異地情侶其中一個煩惱問題，就係冇得進行身體接觸，因此當見到面時，慾火一觸即發！不過對於呢位男網民嚟講，佢嘅問題卻有啲棘手，當初佢同女朋友分隔兩地時，習慣用視頻見面及玩Cyber Sex，偶爾女友回港便會盡情啪啪啪，後來女友返嚟香港工作後，兩人便同居，點知卻發覺出現問題，佢話：「我發現自己嘅兵器愈嚟愈難硬直，同女友面對面就提唔起性趣，曾經試過喺浴室度做，望住塊鏡竟然令我慾火高燒，但係女友話喺浴室做唔舒服，我真係唔知點算好？」
網友回應：
長時期開燈：睇嚟你嘅性癖好已經變成見到面時冇反應，見唔到女友個樣反而仲興奮，不如咁啦，你試吓用毛巾蒙住自己對眼，或者對你會有幫助，問題係你點同女友解釋啫。
Someday：我覺得呢個純粹係你心理問題，不如你請教一下專家睇吓點解決。如果問我嘅話，好簡單，拎住手機影住佢個樣嚟做，應該可以滿足到你嘅需要。不過熄燈做嘅話，可能會麻煩啲，畫面會唔夠清。
花生啤酒好老友：睇你都冇得救，明顯就係前期消耗太多，家陣已經無力再戰，如果搵唔到新鮮嘢玩嘅話，睇怕你嘅兵器遲早廢埋。試吓禁慾3個星期，睇吓你嘅慾火會唔會返嚟？
Kall9917：有冇試過將你嘅問題同女友分享呀？大家一齊諗解決辦法會好過你喺網上問人，因為呢個始終係你哋兩個人嘅事，同埋睇你嘅情況又唔係話冇得解決。
撰文：魂