情侶熱戀到某個程度會選擇同居，而兩個人住埋一齊後，生活上有啲嘢要慢慢習慣，其中一樣就係洗底褲嘅問題。有女網民表示同男友同居之後，有樣嘢最令佢唔習慣，就係男友會幫佢洗底褲。佢話：「我啲底褲都幾貴，所以我會自己用手洗，點知男友主動話要幫我洗，見到佢咁體貼本嚟都好樂意接受，但問題係我唔想畀佢知道我大髀有好多汗，以致底褲會有黃漬，甚至有汗味，我應該點做先至唔使咁尷尬呢？」
網友回應：
全部明白：你以為男友唔知你呢個秘密咩？其實佢咁體貼，乜都冇所謂啦！反而覺得係你自己諗多咗，更何況男人嘅底褲咪一樣黃甘甘，你又使乜咁介懷呢！
廢事煩：你想搵理由之嘛，好簡單，話你想自己洗番之餘，仲幫佢洗埋咪得囉。佢咪唔會研究到你啲底褲，同時你又可以研究吓佢啲底褲係點，都幾有樂趣。
Sally QQ：一於着紙底褲啦，用完即棄。唔係講笑㗎，我有幾個姊妹都係着紙底褲，貪佢夠方便又唔使洗，正！
蝶影犇犇：我個建議好簡單，就係唔着，唔着就唔使洗，亦唔使畀你男友知你嘅秘密，最重要係你以後可以慳錢唔使買貴底褲，一舉兩得。
撰文：魂