日本AV女優眾多，而有啲女優嘅人氣之高，即使唔係AV迷都總會聽過佢嘅名字，好似彩美旬果就係其中之一。佢不但擁有迷人天使面孔，身材更係達到魔鬼級數近乎完美，大家又點可以唔深入認識佢呢？
喺東京出生嘅彩美旬果，投身AV界之前，從事攝影模特兒工作，樣貌同身材有一定保證，及至2012年佢以日本AV片廠Prestige嘅專屬女優身份出道，推出處女作《升級遊戲與美女》，而當時Prestige集中宣傳佢係一位寫真女優，更標榜佢出眾嘅身材，尤其係一對D Cup美乳更係誘人。不過AV迷嘅眼睛係雪亮嘅，如此一位天使同魔鬼混合體嘅女優登場，實在唔使用太多形容詞嚟描述，而睇埋佢嘅演出後，略帶羞澀嘅床上表現，真係合晒AV迷嘅胃口！人氣爆升嘅彩美旬果唔單止反映喺AV銷量上，喺各個AV頒獎禮上更係頻頻獲獎，包括2014年DMM成人獎中獲得最優秀女優獎，以及朝日藝能AV大獎寫真獎等，另外又喺AV Open擔任主持，足見實力強勁。
正當AV迷嘅目光集中喺彩美旬果嘅迷人外形及誘人演出，唔少人忽略咗佢其實係位多才多藝嘅女優。事實上，佢4歲就開始學鋼琴演奏，一直持續到18歲，另外又懂毛筆書法、硬筆書法、精通盲人凸字、彈結他及運用音樂軟件Vocaloid嚟進行創作、填詞及演唱等，仲同日本女歌手合作搞音樂。2013年彩美旬果加入AV女團「PINKEY」後，為咗可以更加專注音樂上嘅發展，曾經暫別AV工作4個月，足見佢對歌唱事業相當重視。2016年3月推出首張個人單曲大碟《好可愛的男孩》，更化身成清新美少女演出MV，雖然無露肉鏡頭，但係清新嘅風格卻予人眼前一亮。可惜事隔兩年後，彩美旬果仍未有新曲推出，相信粉絲們好想快啲聽到佢嘅新歌，拭目以待。
簡介：彩美旬果喺AV中嘅淫聲浪語就聽得多，咁佢唱歌大家又聽過未？喺佢呢隻單曲唱片《好可愛的男孩》中，不但以清純形象示人，更展現出唔錯嘅歌唱技巧。如果想全方位認識呢位超人氣AV女優，就唔可以錯過呢個機會喇！
單曲碟名：《好可愛的男孩》（素敵なラブリーボーイ）
出生日期：1993年8月15日
身高：154cm
三圍：33-23-33
撰文：魂