早前提及過前SOD宣傳部職員望月理沙嘅訪問，當中理沙話每個女優喺公開個人資料如三圍及出生日期嘅時候，事前都要經過所屬事務所或AV廠審批，因為唔少AV迷對三圍數字同年齡都相當敏感，例如女優年紀太大，可能會令某個年齡層嘅AV迷失去興趣，但係做得女優都有番咁上下年紀不能太細，所以資料又唔可以全部都遷就晒AV迷嘅喜好。至於Prestige嘅超絕品專屬女優園田美櫻，大家又覺得佢似唔似公開資料中顯示嘅23歲年齡呢？最近其好姊妹羽咲美晴就唔覺意踢爆咗其真實年齡喇！
早前妹系巨乳女優羽咲美晴同園田美櫻齊齊去到東京一個主題樂園玩樂，兩人打扮可愛又充滿童真，真係好吸引！事後，美晴喺社交網表示一直同美櫻感情要好，仲話大家讀中二嘅時候已經好熟落，而美櫻亦喺社交網寫上類似嘅留言，話佢同美晴一直好好感情，視對方為家姐添！
問題嚟喇，羽咲美晴今年26歲，但係園田美櫻就自稱23歲，而美晴就話兩人一齊讀中二時認識，咁美櫻咪應該同美晴一樣年紀囉！其實關於園田美櫻嘅出生年份早前已經修改過，效力S1時就話係1994年出世，轉投到Prestige就話係1995年，所以小弟就偏向相信園田美櫻根本係同羽咲美晴同齡囉！
撰文：賢