以前嘅女王得一種，家陣仲有女友、老婆，甚至係個女，統統都係變種嘅女王。其實唔單止世道變咗，喺情慾世界中亦有唔少同Queen有關嘅俚語，而喺美國同日本嘅AV界中，亦有唔少精彩嘅女王作品，絕對睇到大家流晒口水！
如果有女士同你講佢鍾意玩「Sex Queen」嘅話，唔好以為佢只係鍾意啪啪啪咁簡單，事關佢真正意思係挑戰你嘅道德底線。英文情色俚語中嘅「Sex Queen」，原來係一種重口味嘅性愛玩意，一個囡囡力戰三個猛男，簡單嚟講即係4P遊戲，真係唔係個個都接受到囉！至於「Blow Queen」又係咩意思呢？原來係指囡囡嘅吹奏功夫相當一流，絕對係大師級水平先至有呢個稱呼！
話說回來，喺17世紀嘅英國仲有個情色俚語「Queen of Holes」，佢嘅意思則係指女性嘅蜜洞，不過時至今日已經冇人再會咁講喇！
性愛玩法有好多種，而喺眾多嘅愉虐玩法中，有種名為「Queening」嘅玩意，唔知大家估唔估到係點玩呢？玩法係扮演女王嘅女伴會騎喺男士嘅面上，而喺女王嘅命令下，進行各種挑逗動作。呢種玩法對於愉虐系嘅男性愛好者嚟講，既可以滿足到被奴役嘅心理，同時又可以獲得極大嘅肉體快感。
唔少人以為「Queening」呢種玩法係嚟自近代愉虐風嘅興起，查實早喺古埃及時代已經出現。據講係因為寂寞難耐嘅貴族女性，希望透過呢種玩法嚟滿足征服欲，不過當時佢哋嘅奴役對象並非情夫，而係屋企嘅奴隸或男僕，因為佢哋唔會亦唔敢周圍講呢個秘密。
喺唔少人嘅心目中，美國四仔只係一味啪啪啪同淫叫，其實當中亦有唔少充滿劇情嘅作品，好似呢套由美國四仔片廠Burning Angel喺2016年9月推出嘅《Cindy Queen Of Hell》就係最佳例子，喺2017年XRCO頒獎禮上更獲得最佳喜劇四仔殊榮。由Burning Angel嘅老闆娘兼天后級脫星Joanna Angel自編自導自演，搵嚟狂野脫星Leigh Raven為首，夥拍Nikki Hearts、Lily Lane等人氣脫星演出，陣容強勁。故事講述天使Raven有日同魔王啪啪啪，結果生咗個魔鬼天使混合體Cindy。21年後，Raven同Cindy講出真相，並且讓佢作出選擇繼續留喺人間，定成為極為荒淫嘅女魔王。
講番天后級脫星Joanna Angel，呢位喺1980年12月25日於紐約出生嘅脫星，雖然樣貌唔係咁標青，但憑住狂野嘅演出風格，喺2005年出道一炮而紅，不但喺AVN頒獎禮獲得最激情性愛場面獎，佢所經營嘅個人官網亦分別喺2011年及2013年AVN頒獎禮奪得最佳脫星網站殊榮，而2016年佢分別入選AVN同XRCO名人堂。
美乳魔力幾時都係咁誘人，而講到近年日本AV美乳人氣作，必然要數呢套由近期捲入日本男星戀情緋聞嘅話題性AV女優，吉澤友貴演出嘅《R*Queen 吉澤友貴》。呢部由日本AV片廠Dream Ticket喺2016年11月推出嘅作品，其實係《R*Queen》系列最新登場作，而演出過呢個系列嘅AV女優更係來頭不小，包括有三上翔子、渡瀨晶、波多野結衣等人氣AV女優。今集劇情貫徹系列嘅風格，講述賽車女郎同贊助商嘅肉體關係，雖然劇情老土，但憑住美乳肉搏戰足以讓AV迷捧場。
講番吉澤友貴，喺1992年5月6日於神奈川縣出生嘅佢，係日本同泰國混血兒，憑住35E美乳出道，先後以森永星夢同春咲Yuki藝名拍水着寫真，及後加盟AV片廠IdeaPocket以專屬女優身份拍AV，推出處女作《SHINY 混血兒出身的現役巨乳寫真女優衝擊Debut !》，又成為AV女優團體「惠比壽★麝香葡萄」嘅成員，絕對係實力嘅證明。
撰文：魂