能夠成為一位人氣情慾小說家應該具備乜嘢條件呢？美國超人氣情慾小說家莉莎‧克萊佩，雖然從未解釋過自己有乜嘢優點，但從佢嘅小說《冬天的惡魔》中，大家就會明白到佢有幾厲害。
故事女主角愛芬‧基納，擁有迷人嘅樣貌同氣質，但卻因極度怕醜嘅性格，一直未能識到異性。不過佢為咗陪父親走完生命最後一程，決定孤注一擲，隻身走入著名風流成性嘅聖文森子爵大宅中，然後向對方提出意想唔到嘅建議，就係要對方即刻同我自己結婚！原來呢個係佢為咗唔想一班親戚，陰謀奪去佢父親財產嘅舉動。那邊廂聖文森卻一直為繼承大筆遺產嘅條件而煩惱，只有盡快結婚先至可以得到遺產嚟解決財務危機。雖然目的一致，愛芬卻同時提出結婚條件，就係結婚後兩人唔會同床，亦唔會行房。被愛芬迷倒嘅聖文森，又點能夠忍得住誘惑，但係意志堅定嘅愛芬，明顯冇被對方俊朗嘅外表迷惑，因此如果想突破對方嘅情慾防線，只能真誠地交出自己嘅一顆心，問題係佢哋做唔做得到呢？
書名：《冬天的惡魔》
售價：約HK$75
撰文：魂