家陣生活同網絡密不可分，因此好多機構都會收集來自用家嘅電子數據，以分析佢哋嘅喜好。最近日本最大型AV銷售網FANZA就進行咗一次用家數據統計，想知道當今邊位AV女優最紅，以及AV迷最鍾意睇邊類型嘅女優，即刻話畀大家知！
小弟每次為大家報道新資訊之前，都要經過一番資料搜集，如果要搵最新推出嘅精彩作品的話，一定會登入日本最大型AV銷售網FANZA，因為其搜尋引擎使用方便，更重要嘅係AV碟同資料夠晒齊全。正因為咁，FANZA唔單止喺日本國內多人使用，喺全世界嘅AV迷心目中係一個相當受歡迎嘅AV網。
近日FANZA進行用家數據統計，當中有好多有趣嘅數字可以話畀大家知，首先指出過去一年當中，瀏覽網站嘅次數逾16億之多，平均每日有超過461萬瀏覽次數，比起日本最繁忙嘅新宿車站來回人次更多！不過，多人瀏覽網站又未必代表會使用喎，話唔定係網友唔小心點擊錯誤，誤入F網呢！當中亦指出過去一年利用F網搜尋AV作品嘅次數有3.3億咁多，咁網友冇理由會用F網嚟搜尋卡通人物啩？F網儲存多達2萬6千幾隻AV作品，如果要將佢哋全部睇晒嘅話，係咪睇到眼花就未知，但係肯定要花上8年先至睇得晒！
咁多人用F網搜尋AV作品，當中又係咪全部都係男人呢？F網嘅使用者有8千萬，當中約7成，即5千6百幾萬係男性，其餘嘅2千4百幾萬係女性，睇嚟鍾意睇AV嘅女人都幾多喎！男性同女性嘅AV喜好又有冇分別呢？當然有啦！據資料顯示，男性用家最常搜尋嘅關鍵字順序為「熟女」、「巨乳」以及「人妻」，至於女性用家方面則為「吹口琴」、「癡漢」以及「磨豆腐」，乜女人唔係最討厭癡漢咩？點解女用家又會鍾意睇癡漢片嘅？又一次證明女人都係口是心非囉。
雖然男女口味有所不同，但係佢哋最鍾意搜尋嘅女優卻相同噃，係邊個？咪就係魅力無窮，唔單止係男人，連女人都被佢迷倒嘅AV天后明日花綺羅喇！據資料顯示，男用家最常搜尋嘅女優頭三位為明日花綺羅、紗倉真菜以及三上悠亞，女用家方面則為明日花綺羅、三上悠亞以及紗倉真菜，天后之名果然實至名歸，名不虛傳呀！好可惜，綺羅已經立定心腸從商唔再拍AV喇！
明日花綺羅成為搜尋次數最多嘅女優，當今最紅女優之名梗係當之無愧啦，不過亦有另一位女優異軍突起，大家可能估唔到呢位女優係邊位，唔係高橋聖子，而係擁有純天然F奶以及風韻迷人面孔嘅輕熟女松下紗榮子！F網將用家分咗幾個年齡組別，18至24歲以及25至34歲兩組最常搜尋嘅係明日花綺羅；35至44歲一組則為紗倉真菜；45至54歲、55至64歲以及65歲或以上呢三個組別嘅用家最鍾意搜尋嘅就係松下紗榮子，可見現時AV界輕熟女系列作品愈嚟愈受歡迎，作品隨市場而愈來愈多唔係冇根據，加強佐證嘅仲有，F網嘅AV類別搜尋數字當中亦顯示出「熟女」搜尋次數最多，其次先係「巨乳」。
撰文：賢