體操新星露盡啲

唔少日本體育界女選手由於長年進行運動訓練，身材健美又婀娜，加上樣貌吸引迷人，遂成為寫真界吸納嘅對象，歷來就有唔少女選手拍性感水着寫真，例如前花式滑冰運動員淺田舞，至於被喻為藝能界新星嘅木村涼香則係前體操運動選手。

21歲嘅木村涼香青春俏麗，生得高挑之餘，仲擁有修長美腿以及飽滿又具彈性嘅極品E奶，體態相當誘人。涼香自小練習體操，2013年喺東京全國體操大賽當中奪得第一名。本來涼香有參加奧運嘅機會，不過佢一心想向藝能事業發展而放棄，及後佢獲得知名男歌手GACKT嘅賞識，上年仲成為GACKT首部電影《Karanukan》嘅女主角添！

最近涼香回歸寫真界搵食，《情熱》就係佢最新推出嘅寫真映像作品，當中佢以性感打扮表演體操絕技，以優美嘅動作、甜美嘅笑容以及曼妙嘅胴體，讓大家大飽眼福！另外，涼香亦會半裸上身，只用一雙玉手遮住胸部演出，讓大家盡情飽覽嘅極品美乳。