男性AV迷最鍾意睇乜嘢類型嘅AV？相信男士們都心中有數，至於女性AV迷最鍾意睇邊類題材嘅AV呢？唔知男士們又估唔估到？最近日本有AV網站發表相關調查數據，一齊嚟睇吓結果啦！
AV迷為自己嘅喜好被女性批評時，總會自辯稱女人都會睇AV，只係呢番話好似冇乜數據支持。不過家陣就唔同喇，因為日本大型AV網站「FANZA」（前身為DMM.R18）最近公布咗一份關於性嘅統計調查，睇吓喺網站活躍嘅男女比例同對AV嘅喜好。調查先指出喺2018年有多達3.5億人瀏覽網站，而當中瀏覽量最多嘅年齡層係25至34歲，佔整體百分之三十，其次係35至44歲，佔百分之二十八，跟住係18至24歲，佔百分之十八，接住係45至54歲，佔百分之十五，其餘則係55歲或以上嘅年齡層。當中男士佔整體瀏覽網站總人數嘅69.82％，而女士則係30.18％，足見女士們瀏覽AV網站嘅人數唔低。
咁男女AV迷最鍾意睇邊類題材嘅AV呢？最多男性AV迷搜尋嘅題材，從第一位數起分別係熟女、巨乳同人妻，而女性AV迷鍾意睇嘅題材，順次序分別係舌戰、癡漢同喱士。從呢個數據嚟睇，男女AV迷嘅口味真係差好遠呀！可能有人以為女士睇AV，一定係睇BL片或捧某個男優，原來咁諗係大錯特錯！根據網站嘅數據顯示，女士最常搜尋嘅AV女優分別係第一位明日花綺羅，其次係三上悠亞同紗倉真菜，而男士亦一樣，最喜歡搜尋明日花綺羅，第二位係紗倉真菜，第三位係三上悠亞，估唔到喺呢方面男女AV迷嘅品味相同。
不論男女都希望享受浪漫又激情嘅性愛，若然喺過程中出現尷尬事故，或多或少會破壞氣氛，尤其係第一次嘅話，更會影響自己喺對方心中嘅形象。早前英國有健康網站進行咗個調查，訪問咗800名男女睇吓佢哋曾經喺性愛過程中出現過啲乜嘢尷尬事故，卻估唔到有百分之九十九嘅受訪男女稱，曾經喺啪啪啪時出現頭撞頭嘅情況，當中最嚴重嘅更試過撞暈咗對方；其次係有百分之四十五嘅受訪者表示，試過碌咗落床；至於第3位係分別有百分之三十二嘅男士以及百分之三十四嘅女士稱，試過出現極痛嘅撞傷，最常撞親嘅部位係四肢，而撞親之後，就提唔起性趣繼續做落去。
不過講到最尷尬嘅事故，莫過於喺啪啪啪時意外排便，有接近百分之六嘅男士及百分之四嘅女士指出，佢哋曾經試過喺最激烈期間發生呢個情況，不但令對方感到不適，仲好污糟邋遢，必需要立即停止活動，起身走去浴室沖涼，真係尷尬到暈呀！
每年年尾臨近聖誕節同除夕，外國都有好多派對舉行，講到當中最具爭議性嘅派對，非名為「Sex Island」莫屬，睇個名就知道佢打正旗號玩性愛大亂鬥，絕對係瘋狂到極點！主辦呢個派對嘅哥倫比亞成人應召服務公司「Good Girls Company」，為咗讓客人玩得更瘋狂同更盡興，無限量提供套套同酒水等激情元素畀玩家。不過呢個派對惹嚟極大爭議，去年哥倫比亞政府揚言一定要掃蕩呢個色情活動。
唔少人都以為佢今年會停辦，早前主辦單位就宣布派對將於12月14至17日舉行，玩法同以前一樣，招待30名男賓客，提供60名應召女郎，務求做到每位男賓客至少有兩名女郎相伴。為期4日嘅荒淫派對，除咗盡情享樂之外，主辦單位更安排喺遊艇同小島進行多場火辣表演同遊戲，等玩家盡享欲仙欲死嘅瘋狂之旅。去玩梗係要畀錢，每位男士盛惠6,000美元（約46,800港元），仲要進行性病檢查先至可以上船玩。雖然主辦單位放晒風，但唔少玩家都話要睇定有關當局嘅反應先決定參唔參加。
撰文：魂