香港地少人多樓又貴，想擁有一個獨立花園嘅單位簡直係妄想。至於喺情慾世界中嘅Garden，相信令男士們有最多遐想，而同佢有關嘅成人作品，唔知大家有冇興趣觀賞呢？
大家都知道Garden解做花園，但喺英文情色俚語中，卻另有所指，就係女性嘅神秘三角地帶。據稱係因為花園具有令人心情得到放鬆、感到愉悅同可以進行輕量運動嘅地方，就好似神秘地帶給予男士嘅感覺一樣。
不過有人認為「Garden」未夠聯想性，因此其後便出現「Flower Garden」，而呢個俚語令美國男士零舍有遐想，事關「Flower」喺美國情色俚語中，有暗指「鮑魚」嘅意思，所以大家千祈唔好同女士們亂講，隨時被人告性騷擾o架！
提到Garden，英文情色俚語中仲有個中文譯做「花園樹籬」嘅「Garden Hedge」，大家又估唔估到佢係指身體邊個部分呢？答案就係三角地帶上面嘅毛髮喇。
有邊個打工仔唔想有朝一日可以住花園洋房呢？而喺英文情色俚語中，直譯做花園洋房嘅「Garden House」卻原來有另一個意思，就係暗指妓院。有人以為呢個俚語之所以有咁嘅意思，係因為「Garden」暗指女性嘅神秘三角地帶關係，不過咁諗就錯喇，皆因「Garden House」暗指妓院，早喺17世紀嘅英國便已出現。
話說當時喺英王查理二世嘅主政下，妓院業相當盛行，當中有位叫Elizabeth Cresswell更係倫敦嘅著名妓院老闆娘，佢建立咗龐大嘅妓院網絡，旗下妓女數目及種類眾多，可謂「乜嘢膚色嘅囡囡都有」，服務嘅客人除咗查理二世外，仲有宮廷中人同權貴，令佢喺政治上有相當影響力，並且獲得免起訴權。當時Elizabeth有個習慣，就係鍾意以花園洋房作為妓院，因此「Garden House」便暗指妓院喇！
由小說改編電影已非新鮮事，美國四仔亦唔例外，好似《In The Garden Of Shadows》就係改編自人氣小說《Garden Of Shadows》。由四仔導演Michael Ninn執導，並由Anais Alexander擔任女主角，聯同Angel Cassidy、Justine Joli、Noname Jane、Angel Cassidy等人氣脫星演出。雖然係改編自小說，但除咗人物角色及故事背景跟足原著之外，劇情完全唔同。
故事講述Anais為咗追尋真愛，逃出自細被困嘅閣樓，走進一個神秘嘅花園內，當中佢見識到人欲橫流嘅世界，並且體驗到人生嘅第一次，從此陷入瘋狂嘅慾海世界之中。豐富嘅劇情，加上Anais等一眾美艷脫星嘅精彩演出，被AVN評為500套美國經典四仔之一，更喺2005年嘅XRCO頒獎禮上奪得年度最佳四仔大獎。
至於女主角Anais Alexander喺2003年以19歲之齡投身四仔界，憑住迷人樣貌極速走紅，可惜佢一直未能喺四仔頒獎禮中獲獎，及至2007年宣告引退並全力進軍裸模界，當時令四仔迷十分傷心。
日本AV題材有好多，但卻甚少以服裝做主題，而由日本AV廠Max-A喺2009年10月推出，並由日法混血AV女優藤崎Cecil演出嘅《Gothic Garden》，就係當中主打服裝嘅少數作品。呢部中文直譯做「哥德式花園」嘅AV，當中嘅哥德式並唔係指建築，而係指藤崎Cecil一身哥德式蘿莉服造型登場，展現出與別不同嘅感覺。Max-A之所以會以呢個題材製作AV，係同當時日本嘅Cosplay文化有關，皆因當時Cosplay界流行哥德式蘿莉服，為咗順應潮流，所以就推出《Gothic Garden》。
除咗服裝吸引之外，最令AV迷津津樂道嘅當然係女主角藤崎Cecil啦，喺1989年4月4日於法國出生嘅佢，父親係日本人，母親則係法國人，一副混血兒嘅樣貌充滿法國味道，故此由佢飾演女主角絕對入型入格。
藤崎Cecil喺2009年1月推出處女作《New Comer》時，被Max-A寄予厚望，先後推出過幾套作品，不過佢嘅演技只屬一般，即使有AV迷支持，人氣亦慢慢下沉，真係有啲可惜。
撰文：魂