神谷惠里奈神乳闖世界

好多人都話香港得豆膶咁大,發展有限,點都要放眼世界,不過,要向世界出發你估話咁易咩!除非有一對神級美巨乳成為進軍世界嘅利器,好似有「神乳美少女」之稱嘅神谷惠里奈就係成功例子喇!

身細胸大

日本寫真界有好多巨乳女優,身高與三圍都成正比例,身材高挑,上圍同坐圍亦比較大,例如有「寫真界最強Body」染谷有香以及鈴木富美奈兩位長身巨乳美人。不過,亦有好多女優生得細細粒,上圍卻相當激凸,活力美少女葉月彩、童顏巨乳新掌門天木純就係最佳例子。提到天木純,當然唔少得佢嘅好姊妹神谷惠里奈啦!

今年26歲嘅神谷惠里奈擁有一副斯文又綺麗嘅姊系面孔,雖然佢有時會表現出一張高傲囂張、睇唔起人嘅嘴臉,不過當見到佢展露甜美笑容嘅時候,就令人甜到入心。而令惠里奈「甜度」增加,嬌小身材亦功不可沒,身高僅得5呎,四肢纖幼,但係上圍卻豐滿而堅挺,一對又白又彈手嘅G奶更被寫真界稱為「神乳」添,同好姊妹天木純嘅「天乳」可以話一時瑜亮!

拍片露肉

點解神谷惠里奈同天木純會成為好姊妹呢?皆因佢哋同為知名地下女子組合「仮面女子」嘅成員,相處日久且感情和睦,真係情如親生姊妹。惠里奈雖然與天木純同期殺入樂壇,亦於差不多時間恃住胸大強襲寫真界,由於惠里奈有一段日子進行治理內斜視手術,需要休養而令發展步伐停落嚟,一度畀天木純爬頭。之後惠里奈好番晒就加速事業發展,仲領先一步爭取到拍攝電影《加茲在海上的夢想》嘅機會,現正排期上映喇。

除咗拍戲,惠里奈比天木純更積極做網絡紅人,佢經營嘅YouTube頻道訂閱人數逾43萬,據資料顯示訂閱帳戶當中唔單止係日本人,仲有好多外國人,換句話說,惠里奈漸漸廣為全世界認識喇!至於阿妹點解有咁多支持者呢?除咗因為魅力非凡,亦因為佢上載嘅影片千奇百怪乜都有,仲成日半露驕人神乳,梗係吸引人追住睇啦!

個人社交網

簡介:神谷惠里奈成日都會更新社交網,想了解佢嘅最新演出情報以及近期遇到乜嘢趣事,Click上去睇一定冇走雞喇!

網址:https://twitter.com/kamiya__erina

神谷惠里奈Profile

年齡:26歲

身高:5呎

三圍:34G-23-33

撰文:賢