日本ACGN文化有唔少非人類萌系美少女角色，除咗精靈同惡魔外，仲有人氣極高嘅獸娘。既然係咁，又點會冇成人遊戲開發商以獸娘作為遊戲嘅角色，滿足一眾玩家呢？好似日本成人遊戲開發商SWEET & TEA最新推出嘅作品《獸娘的飼養方法》，不但以萌味獸娘作為女主角，同時加入後宮及戀愛兩種王道元素，相信會吸引唔少玩家捧場。
故事講述喺鄉間生活嘅男主角幸坂修司，有日喺深山中帶來一位長有獸耳及尾巴嘅奇妙少女。據修司推測，對方應該係10年前喺山中遭到「神隱」嘅少女。由於長期喺深山中生活，少女已經忘記咗人類語言及常識，就連自己係咪人類都唔知，只係知道自己嘅名字叫彩葉。由於彩葉係由修司帶返鄉村關係，故此修司順理成章變成佢嘅監護人，雖然經常被彩葉異於常人嘅行為搞到頭都暈，但隨住兩人嘅相處時間耐咗，修司漸漸愛上咗佢天真無邪嘅性格。與此同時，青梅竹馬美少女加賀谷佳菜向修司展開猛烈嘅追求，究竟呢段三角關係應該點解決好呢？
開發商：SWEET & TEA
售價：￥3,500（約HK$245）
撰文：魂