唔使九流分析員講，都知道「淫民」一定關注桃色新聞多啲啦！自稱收咗掩口費嘅美國熟女脫星Stormy Daniels，由自爆收錢至今，接受過無數次電台、電視台、報紙雜誌嘅訪問兼拍四仔影射後，如今嚟一個「全盤托出」，推出新書《Stormy Daniels Full Disclosure》，書名簡單直接叫全面披露。Stormy姐講明呢本書由佢親自執筆，內容當然有花生友最期待嘅總統情節啦，仲有第一次見面到第一次翻雲覆雨嘅過程，但早前Stormy姐受訪時唔係話得30秒咩？或者佢都知要「連戲」，因此話書中仲有好多第一次，包括如何成為一線脫星及導演、不愉快嘅童年成長經過、入行後喺業界發憤求存經過等全部公開，Stormy仲強調完全坦誠，內容保證精彩咁話！