貪靚嘅人每次出門前，都會照一照鏡，所以鏡對佢哋嚟講係不可或缺嘅家品。而係性事上，鏡亦能夠增強官能刺激嘅效果，例如喺一間鏡房中啪啪啪嘅話，真係勁好Feel！至於喺英文情色俚語同美日AV作品中，有冇同Mirror及鏡有關嘅詞語同作品呢？當然有啦，依家一齊嚟睇吓！
每當提到情趣酒店，唔少人都知道房內有個必備嘅設備，就係環繞成間房嘅玻璃鏡，原來呢啲鏡嘅英文叫做「Sex Mirror」。據稱最過癮嘅地方，就係當男女喺房內翻雲覆雨時，不但可以從鏡中清楚睇到動作，同時又可以睇到對方嘅肉緊表情，感覺更加刺激。其實香港早喺90年代，已出現設有鏡房嘅情趣酒店，雖然時至今日唔少情趣酒店都設有鏡房，但講到最極致兼最有藝術感嘅，卻要數位於德國柏林嘅酒店Propeller Island City Lodge內嘅「The Mirror Room」，房內除咗地板唔係玻璃鏡外，全間房都鋪滿不規則玻璃鏡，如果可以喺度住番晚嘅話，真係夠晒過癮呀！
對住塊鏡啪啪啪嘅行為叫做「Mirror Sex」，不過喺美國情色俚語中，係指對住鏡玩推車仔。話時話，對住鏡啪啪啪點解會刺激啲呢？兩性專家Lorrae Bradbury認為，喺鏡前啪啪啪之所以可以令男女獲得更大快感，係因為過程中彼此可以睇到對方嘅表情，同時又可以獲得真實嘅接觸，不論係睇嘅人或被睇嘅人，都會有種演出AV嘅感覺。佢又指出，因為有啲性愛體位，例如推車仔，男女雙方都睇唔到彼此嘅表情，而透過鏡中倒影，不但會帶嚟興奮感覺，同時又提升彼此嘅互動感。
魔術師喺表演魔術時，身邊總會有一位穿着性感嘅索女助手，而美國四仔片廠Pleasure Productions便以此為題材，喺1997年推出四仔《Smoke & Mirrors》。由導演Stuart Canterbury執導，並搵嚟當時炙手可熱嘅男脫星Mike Horner，夥拍Kia及Lexi Erikson兩位美艷脫星演出，不論故事定情慾場面，都令四仔迷睇到血脈沸騰。故事講述Mike飾演魔術師，最拿手表演煙霧及鏡影魔法，但係大家卻估唔到原來佢有個癖好，就係喺魔法表演途中同女助手Kia喺台上偷偷地啪啪啪。呢晚佢多咗位叫做Lexi嘅新助手，喺Mike表演魔法途中，卻誤以為Lexi係Kia並跟對方啪啪啪起嚟，事後Kia相當憤怒，Mike只好用盡方法挽留對方，並構成新嘅情慾三角關係。
Mike憑住呢套作品喺1998年嘅AVN頒獎禮獲得最佳男脫星嘅提名，雖然最後攞唔到獎，但係佢並冇因此而感到失望，皆因佢分別喺1987年、1993年、1994年及1996年已多次獲得呢個殊榮，其後更成為AVN及XRCO嘅名人堂。雖然佢喺四仔界成就非凡，但原來佢當初夢想其實想成為一位藝術電影嘅導演。
日本AV界中有唔少熟齡女優，好似喺1970年4月8日於日本兵庫縣出生嘅鏡麗子，就係其中一位。佢憑住35F巨乳及混血兒外形，而獲得極高人氣，成為熟女界一線AV女優。但其實佢嘅冒起過程相當曲折，喺投身AV界之前，佢係一個配音員及舞台劇演員，2000年投身AV界並推出處女作《THE‧WIDOW～未亡人～》，當時30歲嘅佢甫出道以熟女形象登場，可惜事業卻一直未見起色，於是喺2002年宣布引退，卻喺2007年回歸AV界，並推出回歸作《吸取癡女》。有啲嘢真係好講運氣，皆因年齡同氣質變得更加吸引嘅佢，食正當時流行混血女優嘅熱潮，令佢復出後人氣不斷上升，加上佢轉型癡女形象，啱晒AV迷嘅口味，因此成為人氣熟女女優。2013年更係佢嘅事業巔峰期，喺「Sky PerfecTV成人放送大賞」中榮獲年度熟女女優大獎，足證佢喺AV界嘅地位。正當唔少AV迷以為佢未來演出會更加精彩之時，點知佢突然宣布引退，仲將官方Twitter關閉，從此同AV界告別。
撰文：魂