正所謂姣婆遇着脂粉客，有淫娃有嫖客，一拍即合，各取所需，將呢條橋寫成鹹古，基本上唔會衰得去邊，再灑多啲鹽花就掂晒喇！今日推介呢本書《Hard Lessons-Erotica For Women With Explicit Sex》嘅故事內容一句講晒：「姣婆遇着脂粉客 」！一個淫到出汁嘅中女，見到男人即刻起痰，由邂逅、接觸到上床，發展得好順理成章！咁故事係點開始呢？之唔係蕩女自覺每日生活都喺度浪費青春，性生活唔美滿，年紀又愈嚟愈大，為咗過自己想要嘅生活，一日忽發其想嘗試做妓女，於是乎去到紅燈區了解囡囡待客之道，當佢經過一班街女時，好多嫖客都對佢全身打量，令佢產生前所未有嘅興奮，話都冇咁快，佢就決定入行喇！以為好開心、好好玩？Sorry，實情係嚇到佢喊驚，皆因好色之徒絕非善男信女，畀錢尋歡係想玩愉虐，自認淫蕩但從未見識過重口味性愛嘅佢，想接觸性愛新境界，於是加入愉虐培訓課程，究竟最後佢變得更加淫蕩，定醒覺變番個正常女人呢？