鍾意煲電話粥嘅女人有唔少，咁鍾意喺啪啪啪時傾電話，呢種行為對男士嚟講，係刺激定激氣呢？呢位男網友就屬於後者，佢老婆有個特殊癖好，就係最愛邊傾電話邊搞㷫佢。男網友話：「男人好易撻着㗎嘛，畀佢摸得幾摸就已經硬晒軚，跟住佢仲嚟個口舌挑釁，你話係咪好刺激先？結婚前已經知佢有呢鋪癮，點知婚後發現有啲唔對路，因為以前佢邊同姊妹傾電話邊同我啪啪啪，嗰種感覺真係好有AV Feel，但係婚後佢傾電話嘅對象換咗係我啲親戚，大佬呀，聽埋佢哋傾啲三姑六婆話題，真係軟晒！弊在老婆話唔咁樣玩，就一啲性趣都冇！各路朋友點算好呀？」
網友回應：
嘟嘟B：你真係要搵個專家傾吓，睇睇有冇辦法幫你，因你喺網上發問嘅話，相信冇咩可以參考嘅答案，因為我只會答你喺呢件事你亦應負上責任，鬼叫你以前陪佢咁樣玩咩！
Finalground：你老婆鋪癮都幾過癮，又會咁變態嘅？其實佢想搵人同佢傾偈之嘛，簡單啦！一於叫佢同Siri傾啦！一方面又可以滿足佢嘅口舌之欲，一方面又可以令你玩得過癮。
舉杯丟明月：我最好奇嘅係你老婆以前同班姊妹傾電話時，點解你會覺得好刺激，莫非你老婆班姊妹好索嘅？所以你會幻想緊同佢啲姊妹喺度啪啪啪？求答案。
事後唔明：我覺得你可以同佢試吓一啲新玩法，等佢知道原來有其他玩法，同樣可以挑起佢嘅性趣，大前提係唔好玩啲咁偏激嘅嘢，否則你係從一個氹跌落另一個氹。
撰文：魂