由日本遊戲公司TYPE-MOON開發嘅遊戲系列《Fate》，從最初嘅18禁文字冒險遊戲，發展到後嚟嘅各類型遊戲之餘，仲推出埋無鹽版動畫同漫畫，形成個極大嘅家族體系。除咗有趣嘅劇情外，當中嘅美艷女角色亦居功至偉，而呢個最新登場嘅模型，就係當中嘅人氣女角色Ruler聖女貞德，造型嚟自2010年7月推出嘅PSP角色扮演遊戲《Fate/ EXTELLA》，有別於以往嘅模型，今次佢以性感水着Look登場，讓大家盡情欣賞前凸後趷嘅火辣身材，梗係要落足眼力任睇。印上花紋嘅比堅尼手工相當精緻，配合埋優雅氣質，高貴感出晒嚟！唔單止心口有睇頭，嗰條超貼身嘅泳褲盡現美股嘅渾圓，極之吸引。可惜模型無剝衫設計，想睇全相嘅話，睇怕要等下一個登場作品至得喇！