唔少男士都鍾情具有女人味、風韻猶存嘅女性，原因之一相信係有番咁上下年紀嘅女性有一種令男人意亂情迷嘅騷味，剛剛踏入31歲嘅大島麻衣最近就喺寫真集中為大家展露呢種騷味喇！大島麻衣係知名日本女團AKB48嘅第一期成員，同期出道嘅包括有人氣女星板野友美、河西智美等。喺2009年麻衣開始以單飛歌手身份活躍舞台，之後仲成功進軍電視台成為好多綜藝節目嘅寵兒。為咗紀念自己踏入30歲呢個界別，相隔8年之後麻衣再次推出個人寫真集，書名叫做《I am》。今次大島麻衣去到泰國蘇梅島取景拍攝，除咗讓大家欣賞當地優美嘅自然景致，亦希望用熱情洋溢嘅氛圍釋放自己蘊釀多年嘅成人騷味！為咗進一步達到呢個目的，麻衣勤做運動Keep Fit令身材更婀娜苗條，更會首次以內衣Look上陣拍照，保證觀眾被阿妹嘅魅力吸引。