四仔何其多，但係冇人會嫌多，男人認為多啲嚟密啲手添！所以四仔生意只要Keep住有片出，基本上係唔會執笠嘅！因此成人網站好樂意出錢出力鼓勵各界囡囡拍片，今日輪到全球三大免費短片網站之一嘅「xHamster」喺官網宣布創立一個新四仔發展基金「xHamster For Women Fund」，旨在為女性觀眾提供更多原創內容，以擴大「Porn for Women」市場，喺未來一年，為業餘及專業嘅電影製作人提供超過25,000美元嘅獎金，從小型競賽到大型開發都歡迎參加。好多人會問點解淨係「Porn for Women」咁唔公平呢？其實成人網又點會唔知，市場百分之九十五嘅觀眾都係男人，但係xHamster副總裁Alex Hawkins表示眼見過去幾年女性觀眾激增，見有利可圖，咪決定加大力度，製作針對女性嘅四仔囉！