男女情到濃時，情話綿綿固然唔少得，而嚟到慾火高漲一刻，綿綿情話更係講極都唔夠喉。講起喉，其實喺英文情色俚語中，有唔少同Throat及喉嚨有關嘅詞語，當然唔少得相關嘅成人電影代表作啦！
每當講起性愛中吹奏玩法嘅英文，唔少人都知道係「Oral Job」或「Blow Job」，如果想講得口語化啲，一般會用「Throat」或「Giving Head」。前者唔難明，皆因受到美國著名成人電影《Deep Throat》嘅影響，人們慢慢將片名中嘅「Throat」暗指性愛吹奏，至於後者又點樣嚟呢？原來喺美國情色俚語中，「Head」解做男士嘅兵器，而加上「Giving」後則有「請人食嘢」嘅意思。例句：Austin got screwed just because his girl friend was giving head.（Austin嘅女友吹奏一曲因而被榨乾了。）喺2006年美國國家衞生統計中心曾經做咗個調查，發現喺18至19歲嘅青少年中，曾經試過吹奏嘅比例高達百分之七十，由此可見，吹奏喺美國係一種相當常見嘅調情行為。
如果明白「Deep Throat」嘅意思解做深喉嘅話，就會好容易估到「Short Throat」嘅意思係乜嘢啦！畫公仔唔使畫出腸，對於初次演奏嘅女士嚟講，玩「Short Throat」嘅不適感相對較輕，不過對於男士嚟講，感覺就梗係冇「Deep Throat」咁過癮啦！講起吹奏，其實喺人類文明中早就出現呢種玩法，早喺巴比倫人、腓力斯人、古埃及人等嘅古文明中，亦有呢方面嘅記述。及至古希臘時期，吹奏活動仍然相當盛行，直到中世紀時期，口作及漫遊後花園就被標籤做變態嘅性行為。
美國經典成人電影《Deep Throat》（深喉）嘅成功，至今仍然影響唔少四仔作品，並且有唔少致敬之作，而論質素，呢套由美國四仔片廠Vivid Premium喺2009年3月推出嘅《Throat: A Cautionary Tale》絕對係佳作。由著名四仔導演Paul Thomas執導，並且由Sasha Grey擔綱演出，呢位脫星炙手可熱，喺2008年AVN頒獎禮上以20歲最年輕之齡獲得年度最佳脫星殊榮，單係呢個黃金拍檔已係質素嘅保證。
有別於一般嘅四仔，呢部作品嘅劇情相當有心思，故事以倒敍法開始，講述Sasha Grey飾演嘅Julie Garret某日被發現伏屍喺酒店房中，鏡頭一轉回到Julie嘅年輕時代，佢睇到一套電影，發覺自己嘅性快感帶同電影中女主角一樣，都係位於喉嚨，於是佢便同男友過住異常性福生活。而男友諗到條發財橋，就係帶Julie到城中最高級俱樂部接客，憑住出色嘅口技好快成名，某個夜晚佢接待一位巨棒客人，結果翌日Julie就被發現伏屍喺酒店房中，究竟死因係咩呢？呢部作品喺2010年AVN頒獎禮中獲得12個提名，最終獲得最佳性愛演出、最佳男配角、最佳女配角、最佳口作演出及最佳市場推廣獎。
吹奏係日本AV嘅指定動作，而喺海量嘅吹奏作品中，有唔少深受AV迷熱愛嘅作品，其中一部係由專門搵素人演出嘅AV片廠Asfur喺今年5月推出嘅《丸吞！Vol.13》，今次搵嚟樣貌甜美嘅素人女優杏璃沙耶演出，阿妹萌味十足，加上一對美巨乳，相當有吸引力，而導演次元大介為咗拍得更具寫實感，特意以現場燈光拍攝。
故事講述熱愛吹奏，並能從中搵到快感嘅杏璃沙耶，為咗可以盡情體驗到深喉嘅快感，於是透過為唔同嘅男士吹奏，從中鍛煉出色嘅口技，等男士既可以享受到吹奏嘅樂趣，同時又能延長爆發時間，讓杏璃可以忘我地吞吐。憑住出色嘅吹奏演出，作品嘅銷量遠勝系列以往嘅作品，成為當中最佳成績之作。講番杏璃沙耶，其實佢嘅口技咁出色一啲都唔奇，皆因早喺2016年11月時佢以藝名咲良萬葵演出處女作《我的男友總是40歲。無意識腰部振動開發。大叔殺手》，當時佢憑住萌爆形象深受AV迷歡迎，時至今日，佢都可算係一位素人專業戶。
撰文：魂