天真無極限

不論20歲定80歲，假如有位男士同你講，從來未睇過四仔，你信唔信呢？美國居然有位準新娘深信未婚夫從來唔睇四仔，點知喺大婚前發現對方手機嘅「罪證」，先清楚知道眼前人講大話，最後連婚禮都取消埋，從此各走各路。各位巴打要注意，原來睇四仔可以嚴重到連老婆都冇埋，都唔知話女人太天真好，定係笑男人蠢好囉！細佬絕對唔會扮聖人，有女冇女都好，就算唔會以睇四仔為榮，但深明愛情動作片對身心有益！

無奈男人都係衰鹹濕，除咗睇四仔，仲有出去玩嘅習慣，玩都算，衰在男人一樣咁天真，深信夜場海報嘅索女會招呼你，好似細佬當日喺碼頭見到澳門十八桑拿嘅海報，除咗畀佢嘅歡樂時光平五舊水吸引到，其次就係嗰張囡囡大頭相，先唔講副偈有幾正，淨係個樣都冧到你暈啦！乜都唔使講，即刻買套票過去會佳人，但係上船冷靜落嚟，就覺得自己衝動咗，好在細佬有冒險精神，食唔到極品都唔信冇啖好食，而世事就係咁神奇，沖完個靚涼後揀囡囡，竟然遇到貌似海報索女嘅技師寶娜，細佬望望張海報，再望吓眼前技師，根本就係餅印，咁情況梗係按摩完後加鐘同阿妹談吓心啦！