做模特兒最重要有乜嘢條件？靚樣當然要有，但係要輕易吸引男士嘅目光，身材更係唔少得，好似閔蔡允咁，憑住一對修長美腿，甫出道就獲得極高人氣，加埋激凸上圍，成為真正女神級模特兒。
唔好問男人點解咁膚淺，見到索女都會流晒口水，查實男人其實一啲都唔膚淺，因為單純索樣係唔會令男士有咁嘅反應，仲要身材有賣點至得。喺南韓首爾出生嘅閔蔡允，身高175cm，擁有一對修長美腿，不過佢當時冇諗過成為模特兒，皆因佢自細嘅夢想係成為一位電腦程式員，所以佢成日對住部電腦，有朋友覺得佢應該擴闊吓自己嘅生活圈子，唔好宅喺屋企，於是提議佢兼職做Model。事實上，蔡允身材高挑又有長腿，一直以嚟都有唔少模特兒事務所游說佢入行，不過佢一啲興趣都冇，所以拒絕邀請，只係呢位朋友實在太熱情，於是佢決定一試。而第一個Job就係做商品平面模特兒攝影工作，結果攝影師同客戶都對佢讚不絕口，令佢獲得前所未有嘅滿足感，因此佢放棄做電腦程式員嘅夢想，成為全職模特兒，憑住迷人嘅樣貌及修長美腿，好快就喺攝影模特兒界打響名堂。
及後事務所安排佢以賽車女郎身份喺全羅南道舉辦嘅賽事上登場，而呢次工作成為佢模特兒事業嘅轉捩點。雖然佢已經有唔少攝影模特兒經驗，但講到公開演出卻係首次，難怪佢當時表現得十分緊張。閔蔡允表示由於佢極少喺公眾場合亮相，故此踏上賽道時唔知點樣應付，好彩得到前輩同工作人員嘅指導，最終亦順利完成工作。至於點解成為佢嘅事業轉捩點呢？須知道佢過往一直以美腿為賣點，而今次身穿性感賽車女郎制服嘅佢，美腿固然吸引，只係大家發現呢位樣貌迷人嘅賽車女郎，原來上圍相當有睇頭，配合埋低胸賽車女郎制服，營造出胸前澎湃感覺，立即成為在場攝影師嘅焦點。
自從呢次演出後，閔蔡允嘅人氣火速爆發，更被網民封為南韓現今頭10名人氣賽車女郎之一。不過對佢嚟講，最重要係透過呢次活動，令佢提升咗唔少自信心，日後喺大型活動上演出唔會咁緊張。事實上，佢嘅表現愈嚟愈好，加上火辣迷人嘅魔鬼身材，每次登場都成為大家嘅焦點。與此同時，佢又開始車模工作，先後喺首爾同釜山等多個大型車展上登場。另外，佢又化身成Show Girl喺各個電子產品展、遊戲展、漫畫展等多個大型活動中亮相，曝光率增加，人氣更係不斷提升。不過大量嘅工作，令閔蔡允嘅健康變差，因此佢學識點樣做好身體管理，平日會跑步同練跆拳道，運動已成為佢日常生活一部分。不過講到底，佢最希望係得到大家嘅認同，咁至係佢不斷努力工作嘅原動力。
簡介：閔蔡允近年愛上跆拳道，如果大家想睇佢平日點樣練習，可以Click入呢個網欣賞，當然唔少得蔡允嘅性感自拍照同工作時嘅花絮相片啦！
網址：http://cafe.daum.net/chaeyoon93
出生地：首爾
身高：175cm
三圍：35-24-34
撰文：魂