世間男人嘅癖好何其多，只係有啲癖好着實令人感到不安，唔係講緊戀襪癖、戀腳癖、戀膠癖等性癖好，而係一種令某位女網民感到不安嘅癖好。話說有女網民喺網上留言，表示佢同前男友係同居關係，男方每次想啪啪啪，佢都會答應，每個星期做3、4次，雖然唔係次次都有高潮，但都算係幾滿足。不過有次佢因為早收工，返到屋企發現客廳冇人，於是偷偷潛入睡房諗住畀男友驚喜，點知喺門隙偷睇到男友攬住佢隻巨型熊啤啤公仔係咁磨，完事後用紙巾抹乾淨就將公仔放喺床邊。女網民話：「自此之後，我就留意佢有冇再搞隻熊公仔，有日我又提早返到屋企，又偷睇到佢搞我隻熊公仔，於是我咪質問佢囉！點知佢死撐話隻熊公仔好舒服，我就話佢好變態，你哋話係咪先？」而結果佢哋就係因為隻熊公仔而分手，唔知大家點睇呢？