情慾小說最常見嘅題材，非戀愛主題莫屬，如果想令作品睇起嚟更有新意，有情慾小說家便加入復仇元素，而講到最擅長此道者，就要數美國著名情慾小說家莎拉‧麥克蓮，透過佢嘅名作《仇深情濃》讓大家體驗到愛慾與復仇之間嘅特殊魔力。故事講述10年前嘅柏恩侯爵邁可，被監護人朗孚子爵欺騙，差啲搞到一無所有。經過多年努力，以微薄資金打拼下，終於重回富豪身份，佢眼見被對方吞佔嘅祖傳領地，成為迎取青梅竹馬佩妮蕾嘅嫁妝時，佢決定綁架女方兼以一度春宵嚟敗壞對方名節，逼使女方同佢結婚，更迫使佩妮蕾父親，交出可令朗孚身敗名裂嘅機密文件。春風過後佢跟佩妮蕾許諾，當一切完結時便會還對方自由。不過估唔到其實佩妮蕾暗戀咗佢好耐，縱然邁可現已變成冷血無情嘅人，仍決定維持親密假象之餘，更希望能告別以往乖乖女生活。正當一切如兩人所願進行時，邁可卻發現原來自己早已離唔開佩妮蕾，而佩妮蕾亦是如此，只係面對仇人朗孚子爵，兩人能否有情人終成眷屬呢？