好多AV迷對心儀嘅AV女優情有獨鍾，除咗會支持佢哋演出嘅作品之外，仲會參加女優嘅握手會等公開活動，近年AV迷仲可以從各種競投網站當中，競投女優嘅物品，例如唇膏、水杯、隨身鏡，甚至係內衣褲等，希望能夠收藏心儀AV女優嘅物品作為紀念。而最值得收藏嘅物品，小弟認為係女優有份參與製作嘅產品，最近由AV廠RADIX推出嘅一系列T恤就做到呢一點喇！R廠搞咗個名為「AV女優T恤設計大選2018」，搵嚟6位女優親手設計圖案並製成T恤出售，6位女優包括人氣美熟女川上由、河西亞美、佐藤愛理、小西真理惠、濱崎真緒以及麻里梨夏，另外R廠嘅社長Mg☆yukky亦有份參與其中。每款T恤現已作公開發售，每件售價3,800日圓，約260港元，每位女優設計嘅T恤銷售成績都會有記錄，銷量最好嘅女優就會勝出今次嘅大選，大家想購買T恤的話可以Click入網站，更可以睇到女優穿上自家設計T恤嘅照片。