師傅教落，做人最緊要係唔好怕失敗，失敗過後總會得到經驗及磨練，繼續努力落去自是離成功不遠，喺日本寫真界就有一個唔服輸，並且成功翻身嘅例子，呢位女主角就係塚本舞喇！27歲嘅塚本舞喺2007年，即係11年前展開寫真女郎生涯，雖然阿妹擁有一副豐滿身材，但係個樣唔夠靚，加上冇乜突破性演出，故此好快就被人遺忘。然而，塚本舞冇放棄自己，除咗落力磨練歌舞技藝，仲透過各種方法執靚個樣，自此人氣漸漸上升，最近更推出首本個人寫真集《My Puni》，當中塚本舞以好多花俏艷麗又性感嘅華麗打扮登場搔首弄姿，當然將豐滿誘人體態盡情展露嘅內衣及三點式亦唔少得，喺一個凌亂又簡陋斗室入面演出，仲會打吓機同砌吓模型，如果觀眾自問係一名宅男的話，欣賞時一定會倍覺親切，相信呢個就正正係塚本舞喺呢本寫真集想做到嘅效果。