不經不覺日本經典輕小說《驚爆危機》自1998年開始連載，至2010年8月終結後，至今已經有8年，呢套人氣作品不但被動漫化，今年4月更推出最新一輯動畫《驚爆危機！Invisible Victory》。既然作品如此經典，當中嘅角色當然會推出模型，而最新登場嘅就係呢位美少女指揮官泰蕾莎‧泰斯塔羅莎，外形萌味十足，甚討粉絲歡喜，今次模型不但忠實還原佢喺漫畫中嘅樣貌，同時以性感嘅比堅尼造型登場，十分吸睛。細心留意嘅話，會發現泰蕾莎嘅身形同雙腿比漫畫中修長咗唔少，不過講到養眼位，莫過於一對迷人美乳，更營造出飛釘嘅效果。此外，泰蕾莎輕輕拉扯泳褲嘅動作，更係惹人遐想，令大家嘅視線集中喺美股上。講到模型嘅細緻位，不得不提泰蕾莎騎住嗰張浮床，充氣感一流，絕對係用心之作。