早前網上瘋傳一輯疑似克羅地亞女總統嘅噴血比堅尼照，事後傳媒證實，嗰輯相其實係美國34E爆乳艷星Coco Austin嚟！事件水落石出，睇怕Coco真係要同對方講句多謝先得喇，事關比堅尼照一出，Coco姐嘅所有社交網人氣爆升，網民為乜大家心照啦，當然Coco姐派福利係家常便飯，即使拖住老公、抱住個女，嗰對導彈都絕不會收收埋埋o架！事實上，Coco Austin本身除咗係有料之人，更係電視主持、健身Model、演員、舞蹈家、作家、時裝設計師及企業家等，身兼多職o架，而呢位39歲中女，早喺18歲嗰陣，即1998年已經係性感泳衣Model，由於副偈實在太「凸」出，之後仲上埋《Playboy》雜誌，繼而參演電影，事業平步青雲，到2001年嫁咗畀饒舌歌手Ice T，因此美國人對佢絕不陌生o架！