每當情到濃時，身體總會有種熱力洋溢嘅感覺，呢種狀態稱為慾火高漲。講到熱力，喺英文情色俚語中有唔少同Heat有關嘅詞語，當然亦有唔少相關四仔作品，包保睇到人（興）合合呀！
有啲英文情色俚語都幾得意，好似「Heat Seeking Missile」就係其中之一。大家估唔估到，呢個中文直譯做熱能追蹤導彈嘅俚語係乜嘢意思呢？畀個貼士大家，佢係指男士身體一個部位，冇錯！就係兵器喇！唔係亂吹水，而係有根有據o架，皆因有研究指出女性蜜洞喺正常情況嘅溫度約攝氏37度，當性興奮時，溫度就會上升至約攝氏38.5度，所以對兵器嚟講係一個相當大嘅熱源。
講到兵器嘅外號仲有一個「Heat in the Meat」，不過佢係指處於硬直狀態下嘅兵器。據稱男士嘅兵器喺亢奮狀態下，熱力會提升唔少，所以得到呢個稱呼。不過所謂兵器熱力上升其實係男士嘅錯覺，喺慾火高漲時兵器血液流量會增加，但係其溫度同正常體溫差唔多。從呢個角度睇，亢奮嘅兵器遇着興奮嘅蜜洞，溫度原來相差攝氏一度或以上，難怪會有種暖笠笠嘅感覺啦！
男人慾火焚身嘅時候，大家會稱佢做急色，咁女人慾火高漲時又會點稱呼呢種狀態呢？中文都係一樣用急色，而英文情色俚語就有啲唔同，佢哋會稱女性處於急色狀態做「In Heat」，指女性陷於渴望交歡時嘅反應，亦即係慾火極度高漲咁解，例句： Susan is in heat! I can't stand the howling!（Susan慾火高漲呀！我忍唔住要大叫喇！）講起發情，喺自然界中唔少動物都有發情期，只係有少數動物，例如海豚、倭黑猩猩等，先至會隨時隨地會有交配嘅慾望，當然亦包括埋人類啦，但人類始終係有智慧嘅生物，雖然慾望話嚟就嚟，但其實都係可以控制，所以大家千祈唔好畀慾望沖昏頭腦，變成單純為性而性嘅生物呀！
好多四仔脫星都好鍾意大聲叫床，展現出慾火高漲嘅反應，其實唔一定要大聲叫至夠吸引，由Dreamland Entertainment喺1983年推出嘅作品《Bodies In Heat》，就話畀大家知乜嘢叫做情慾演技，更被AVN評為500套經典成人作品之一。由著名導演Paul G. Vatelli執導，搵嚟紅遍美國成人電影界嘅Annette Haven擔綱演出，電影上映後引起極大哄動，除咗因為有被喻為鹹片票房保證嘅Annette主演外，故事亦相當引人入「性」。講述由型男脫星Herschel Savage飾演嘅偵探Harry Reed，有日辦公室嚟咗一位由Annette飾演嘅艷婦Laura Desalvo，稱受到丈夫死亡威脅，於是要求Harry暗中搜證嚟指證對方，起初Harry拒絕，及後被Laura嘅身體融化，加上喺重金利誘下，佢不但沉淪喺女方嘅肉體中，更主動搜尋罪證。
講番Annette Haven，絕對係上世紀70至80年代嘅美國成人電影代表人物之一。喺1954年12月1日於拉斯維加斯出生嘅佢，擁有美艷外形，最初表演脫衣舞，其後喺艷星Bonnie Holiday嘅介紹下加入色情電影界，先後演出多套人氣作品，而佢亦係AVN及XRCO嘅名人堂成員。
隨住CG平民化，令日本AV嘅特攝系列戰鬥場面更加精彩，加上一眾AV女優打得起勁，以及AV片廠嘅創意打造出唔少精彩作品，好似呢套由AV片廠GIGA喺2012年6月推出嘅作品《Heat Woman》，就係其中一套被日本AV迷稱為床上床下都打得勁嘅作品。由AV女優西園寺麗音擔住女主角，故事講述佢每當感到熱血沸騰，就會變身成「Heat Woman」嘅異能女英雄，有日當一眾男士如常上網時，電腦屏幕突然傳嚟一把聲音，邀請一眾男網民參加廝殺遊戲，最終生存者將贏得500萬日圓獎金。經過激戰後終於有位男網民勝出，點知對方卻被改造成戰鬥生化人，原來呢一切係邪惡科學家Bakuma博士嘅陰謀，目的係搵出最強戰鬥力男士嚟打倒Heat Woman。而Heat Woman被對方拳打腳踢兼撻生魚咁撻，更被生化男同邪惡博士凌辱，喺無比高潮之際竟燃起無限熱火，最終將對方打倒。
講番西園寺麗音，父親係越南人，母親係日本人，佢其實係混血兒，喺2011年12月投身AV界時稱，AV女優係一個帶畀男性夢想嘅工作，可惜佢喺2014年8月宣告引退。
撰文：魂