黑白相咪亂影，更加咪亂放上網，否則有大隻男友擋架都撐你唔住呀！如果真係咁鍾意黑白照，除非你本身係大師級，即黑白攝影大師，好似被喻為當代色情攝影大師、來自比利時嘅Frank De Mulder咁，喺30年嘅人體藝術攝影生涯中，作品多數出現於《Playboy》、《Maxim》及《GQ》等雜誌，喺業界相當有地位，黑白及全彩寫真作品多不勝數，去到一個點，仲有邊個咁話你先？
話時話Frank De Mulder確實有鋪黑白癮，雖然佢鍾情影裸女，但無論喺室內定戶外、日頭定夜晚，佢都選擇黑白行先，係咪有美感啲？細佬就未識欣賞，但肯定嘅係寫真囡囡堅係正，大家有眼睇，連黑白相副偈都可以咁「凸」出，令人有好多幻想，難怪世界各地一線裸模都爭住畀大師影黑白相啦！今日巴打就有機會睇吓大師嘅黑白寫真作品，皆因佢將近年嘅精彩作品集結成書《Tribute》推出，真係要晒黑白相，晒呢啲咪無人敢鬧爆囉！