有啲男士遇着個新相識嘅女士坐得埋啲，又唔介意有身體接觸，便覺得對方太過熱情，有人卻認為呢種係社交禮儀，唔使大驚小怪。之但係同一個情況，出現喺前女友嘅母親身上又點睇呢？最近有位男網民喺網上分享，話佢同女友分手前，一直同離咗婚好耐嘅伯母相當老友，有時兩人會相約飲茶。而同女友分手後，佢偶爾都會約伯母食飯，不過最近佢卻發現伯母嘅行為過分熱情，佢表示：「呢兩次出嚟發現對方着得好性感，一次係吊帶低胸衫加熱褲，第二次係透視裝加迷你裙，說話亦相當具挑逗性，好似叫我估吓佢鍾意着乜嘢款式嘅底褲，又問我對年紀大嘅女性有冇興趣，仲話屋企經常得佢一個人，叫我得閒上去坐吓。雖然佢大我19年，但係保養得宜，不過佢話晒係長輩，我真係唔敢亂嚟，其實係咪我諗多咗呢？」