即使你從來唔打機，都冇可能未聽過《魔獸世界》（Warcraft）啩！早喺2004年面世，到今日繼續有新嘢推出，有報道話10年前，即2008年全球遊戲付費用戶已超過1,250萬人，被收錄至「健力士世界紀錄」，佢喺網絡遊戲市場佔有率為62%，粉絲堅多，睇怕無人反對啦！講咁多佢嘅威水史，當然唔係賣廣告啦，反而係想講向來鍾意惡搞嘅四仔界，咁多年都甚少攞佢嚟惡搞，最近竟然有個VR鹹網搞咗個《Whorecraft VR》色情遊戲。據AVN新聞網表示，佢係由多間公司共同努力花咗16個月製作，而VR鹹網老闆Stoney Curtis更係業界資深人士，為廣大J迷幸福，早就希望設計一個充滿龍、獸人及更多特殊效果嘅科幻世界！