倒轉比堅尼引人入性

展現深溝

如果要數世界上最性感嘅泳衣，比堅尼應該係當中嘅王者，皆因佢布料少，露肉度高，尤其係身材火辣嘅索女穿着，事業線、纖腰及長腿展露無遺，令人流晒口水！不過大家有冇諗過，原來比堅尼可以變得更加性感呢？話說澳洲泳衣品牌Cantik最近推出一款名為「Upsidedown Bikini」，直譯叫做「倒轉比堅尼」，不過大家唔好誤會，所謂倒轉嘅意思，唔係將上衣當成泳褲，或將泳褲當成上衣，查實佢係指比堅尼上衣倒轉穿戴咁解。須知道女士們穿着比堅尼時，展現出胸前嘅北半球，當倒轉穿戴後，具有強烈嘅谷胸效果，營造出深長嘅乳溝。據稱呢款「倒轉比堅尼」嘅設計概念，源自意大利火辣模特兒Valentina Fradegrada，話說佢有次為咗令自己穿比堅尼嘅造型，同其他模特兒着出嚟嘅效果不同，於是便諗出將比堅尼上衣倒轉嚟着，當時佢將「三角布」倒轉戴喺胸前，原本嘅肩部帶當成胸帶綁喺背後，跟住將原本綁喺背部兩條帶，喺胸前綁上蝴蝶結，便成為Valentina Fradegrada版本嘅「Upsidedown Bikini」。至於澳洲品牌出嗰款，則冇咗蝴蝶結，變得更方便穿戴。

偷食3次夠晒數

俗語有話「事不過三」，大家咪以為呢種講法好老士唔可以作準，有研究顯示若然偷食唔想畀身邊嗰位知，最多偷食3次就好，否則會好容易穿煲。呢個由英國約會網站「Illicit Encounters」針對最易被抓獲嘅偷食次數調查，成功訪問咗1,000名經常偷食嘅男女，睇吓佢哋偷食到第幾次會畀另一半發現。調查結果顯示，有百分之六十三嘅受訪者喺結婚之後，先至斷正喺另一半手上，而其餘嘅百分之三十七卻係有外遇，好彩未被另一半發現。喺斷正嘅受訪者當中，有百分之十一喺第1次偷食就已經被另一半捉到，有百分之十二喺第2次先至斷正，而偷食咗3次先至斷正嘅卻有百分之二十一，至於偷食第4次或更多，被揭穿嘅機會較少，因此從數據中獲得啟示，只要捱過咗頭3次後，斷正嘅風險便會不斷減少。不過話說回來，點解會有咁多人喺偷食到第3次就斷正呢？據專家稱係同心態好有關係，因為經過頭兩次得米經驗後，唔少偷食者都會放低戒心，結果容易露出蛛絲馬迹。調查又顯示手機訊息最易暴露偷食行為，事關當中有百分之三十九係因為手機訊息而被另一半發現，其餘分別係Email、詭異嘅行蹤等，當中有百分之五更係被親朋好友出賣。睇嚟偷食呢樣嘢，真係唔好亂咁同親朋好友講呀！

最熱門性幻想

不論男女都會有性幻想嘅時候，當中嘅內容亦因人而異，事實上坊間有唔少關於男士及女士性幻想內容嘅調查，卻甚少將兩種性別合埋一齊做研究。不過早前由位於美國印第安納州嘅鮑爾州立大學進行嘅大型調查，卻揭開男女都鍾意幻想嘅內容。呢個由Lehmiller博士領導嘅研究，成功訪問咗4,175名男女，睇吓佢哋最常出現嘅性幻想內容係乜，而當中最常出現嘅第3位係冒險式及多樣性嘅啪啪啪場地。據調查結果顯示，唔少人都有種渴望喺公共場所搞嘢嘅慾望，而最多人幻想嘅地方係電梯同公園，總之愈有機會被人發現嘅地方就愈刺激。第2位係粗暴嘅性愛，而當中嘅粗暴可以定義做愉虐嘅玩法，唔少受訪者表示佢哋幻想同伴侶進行輕度愉虐玩法，例如打屁股、較咬、滴蠟等，調查團隊認為佢哋可能受到電影《格雷的五十道色戒》影響，令唔少男女容易接受呢種玩法。至於第1位就係群戰，即係3人或以上嘅床戰，有多達百分之八十九嘅受訪者表示，佢哋曾經幻想進行3人行式床戰，當中對手包括自己嘅伴侶，並非全部係陌生人。有趣嘅係受訪嘅男士傾向兩名對手都係女性，反而女性受訪者則唔係咁介意其餘兩人嘅性別。

撰文：魂