每個人都有黑暗一面，只係點樣可以令佢唔會浮現，在於個人點樣用道德嚟將佢束縛。而美國情慾小說家蒂芬妮‧瑞茲就喜歡透過文字呈現呢種潛藏情慾本性，喺呢本《誘惑伊斯頓》中充分展現。故事中男主角伊斯頓係一位相當嚴格嘅出版社編輯，有一日佢被迫接下一位情慾小說家嘅新書編輯工作，由於佢一直都極之抗拒呢類小說，故此感到相當不滿，當佢跟對方初次見面時，發現對方竟然係一位嬌小美艷嘅女子，名叫蘇瑟琳，曾經推出過5本小說，不過人氣唔高，而佢知道伊斯頓係一位要求極高嘅編輯，令佢相當擔憂，當聽到對方要求喺24小時內寫出一段精彩嘅情慾小說大綱，否則會被踢走，更係感到相當苦惱。而苦惱令蘇瑟琳變得瘋狂，佢首次將愉虐元素加入新作，並將自己化身成小說中手執皮鞭嘅性感女王，而伊斯頓則變成被奴役嘅M男。估唔到伊斯頓對小說大綱感到驚喜，同時勾起佢一段早已淡忘嘅往事。挑逗性嘅言語、誘人嘅身體接觸、含有深意嘅目光，兩人之間瀰漫一種曖昧嘅氣味，慾火更係一觸即發。