好開心呀！好興奮呀！開心過中波膽！興奮過中波膽六串一呀！咩事咁精神亢奮？咪就係小弟能夠同日本AV界人氣女優、極品G奶美人兒高橋聖子見面囉！當然小弟本住為廣大男士造福嘅精神同聖子做咗個訪問，佢仲大讚港男夠溫柔添！
小弟近年有兩位最心儀嘅日本巨乳系AV女優，一位係艷麗絕倫，成個人都充滿魔性魅力嘅J奶女神Julia，另一個就係甫出道就帶來無比視覺震撼嘅「寫真界救世主」，又有「日本一彈性美巨乳」封號嘅高橋聖子喇！小弟唔貪心，唔奢望可以成為AV男優，能夠同佢哋嚟個合照已經心滿意足！3年前，願望達成咗一半，喺澳門一個成人娛樂活動中同Julia見面，而最近終於可以同高橋聖子見面，真係死而無憾呀！事緣聖子應一款新推出嘅虛擬貨幣Hotcoin嘅邀請嚟到香港進行一連串宣傳活動，至於點解會搵聖子呢？原因好簡單，因為呢款虛擬貨幣主要用途係用嚟上網買AV睇，咁就梗係要搵個最紅嘅AV女優，即係高橋聖子做代言女郎啦！根據經驗，AV女優喺AV碟封面同演出片段時個樣都會相差好遠，至於真人亦差過上鏡，之不過當日換上一襲紅色晚裝嘅高橋聖子驚艷登場，發覺佢真人靚過上鏡，全場男士都畀聖子迷倒。
高橋聖子作為活動嘅重要嘉賓，亦係全場焦點，當然有好多嘢講啦！聖子表示對於能夠代言相當高興，更高興嘅係藉住呢次宣傳機會可以同香港嘅粉絲見面。另外，聖子話希望未來喺演出中進一步發揮引以自豪嘅G奶威力，亦希望有更多機會嚟香港。之後聖子示範點樣透過手機購買AV欣賞，而幾段AV都係由聖子主演。示範完之後，就輪到記者發問環節，有一位對聖子相當有興趣嘅記者，即是小弟我急不及待問咗聖子好多問題：
記者：「高橋小姐你有冇睇AV嘅習慣呢？」
高橋聖子：「有，平時都會欣賞一下AV作品。」
記者：「咁你係睇自己演出嘅AV，定係其他人嘅AV呢？」
高橋聖子：「我鍾意睇其他女優演出嘅AV，因為睇自己嘅演出覺得好難為情。」
記者：「咁有冇從中作一番參考，從而改進自己嘅表演呢？」
高橋聖子：「當然有啦。」
話說高橋聖子答呢一條問題嘅時候，突然面都紅晒，雖然佢已經出道兩年，演出過相當多作品，但係講到睇AV都不禁有少少難為情。
宣傳活動最後就由高橋聖子以及另外兩位高層人物主持啟動儀式，不過咁唔代表小弟嘅工作完成，當然小弟更加唔想咁快就同迷人又親切嘅高橋聖子道別啦！隨後小弟搵到聖子嚟個單獨訪問，今次小弟終於叻番次，幫各位港男問咗聖子唔少問題呀！
記者：「覺得香港點樣呀？有食香港嘅食物呢？」
高橋聖子：「第一次嚟香港心情相當高興，香港嘅食物亦相當美味。」
記者：「咁你覺得香港嘅男仔點先？」
高橋聖子：「我覺得香港好多靚仔，好多都溫柔體貼。」
記者：「如果港男想做你嘅床上對手，又有冇咁嘅榮幸同機會呀？」
高橋聖子：「如果對方係溫柔體貼型的話，當然可以啦！」
最後小弟代各位粉絲同聖子講句多謝，並感謝佢喺AV界作出嘅貢獻，聖子回應話多謝大家嘅支持，以後會繼續努力並且會爭取多啲嚟香港嘅機會添！
撰文：賢