水着女神

唔少日本漫畫嘅女角色，都擁有超迷人巨乳，好似人氣漫畫《Fairy Tail魔導少年》中嘅女主角露西‧哈特菲利亞咁，清新嘅外形加上激凸嘅上圍，真係點睇都咁吸引。為咗展現露西嘅魅力，佢最新登場嘅模型就以水着女優為主題，名正言順以超性感嘅水着造型示人，實行以火辣身材同粉絲一齊迎接夏日。

出自著名原型師川崎和史之手嘅作品，一睇就知道係質量嘅保證，事實上呢個模型忠實地還原露西喺漫畫中嘅神髓，同時又保留咗佢激凸上圍嘅賣點，分量十足嘅胸部線條，配合細碼比堅尼，令一對車頭燈更覺迷人，尤其係嗰條事業線，好似峽谷咁又深又長。當然，模型嘅賣點唔單止在於佢嘅上半身，從後面睇嘅話，更會被佢嘅美股吸引。除咗呢啲養眼位外，亦不得不讚川崎和史喺雕琢模型嘅功力，極具質感嘅美腿，固然顯示出佢呢方面嘅優點，而極為像真嘅腰部線條，甚具立體感。此外，模型嘅配件亦相當出色，尤其係腰包同皮帶，都可以睇得出原型師嘅心機。

全高：約225mm