下半年冇盛事

小弟近幾年都會同班兄弟去日本旅行,除咗浸溫泉、歎美食及欣賞風景外,最重要就係參與一年一度嘅AV界盛事日本成人博覽會(JAE)喇!喺博覽會入面有好多AV廠擺檔推銷,而AV廠嘅專屬女優當然亦會現身啦!此外,舞台上仲有好多女優表演以及玩遊戲,AV界三大頒獎典禮之一嘅AV OPEN亦會喺JAE當中上演。之不過,AV OPEN主辦方喺「DMM成人大獎2018」完結之後,隨即公布入圍新一屆AV OPEN嘅作品將會喺明年上市,因而令人懷疑JAE今年搞唔搞得成?最近答案終於揭曉喇!主辦方喺社交網表示今年係唔會舉辦JAE,至於原因,主辦方就話係受到「諸多因素」影響而搞唔成。不過有消息人士指出,過去幾年參與JAE嘅AV廠有感呢個盛事旺丁唔旺財,所以數量逐年減少,又因為搵唔到錢,AV廠自然唔會咁鼎力支持,就算參與亦唔會話花太多人力物力宣傳以及出動太多當家女優參與,加上AV OPEN另起爐灶而唔再黐住JAE,令JAE吸引力進一步大減,所以搞嚟都係嘥心機,不如索性唔搞好過喇!幸好,8月份台灣有一個相關盛事舉行,到時大家可以有機會同AV女優見面啦!

撰文:賢