政府宣傳片都有話：「保護自己要有一套」，為防止性病傳染以及意外懷孕，喺進行房事嘅時候使用安全套實在相當重要，之不過好多男人卻鋌而走險，兼且為求貼身暢快感受而唔做足安全措施，敢問一句：「乜買套套好麻煩咩？定係安全套好貴唔捨得買又唔捨得用？」老實講，有安全套送到小弟手中的確係唔捨得用，因為此套套係由可愛度爆晒燈嘅天使萌親身派發（口架）！喺今屆「Sky PerfecTV成人放送大賞」獲得「最優秀女優獎」嘅AV小天后天使萌去到位於秋葉原嘅「性地」，專門售賣成人用品以及AV嘅M's大樓門戶，向市民派發安全套，為預防性病傳播以及防止意外懷孕出一分力。由於天使萌實在太受歡迎，所以大會粗略估計最高峰時間有成400人排隊領取安全套！雖然人數眾多，但係天使萌依然全程保持笑容，仲好親切咁同市民講解不同類型嘅安全套有咩特色添！你話喇！經過天使萌親手派發嘅套套，試問又點捨得用呢！