每門手藝工夫提升到極致，就會變成一門藝術，喺日本繩綁可以成為藝術，戀物癖亦然，因為戀物玩意已經可以達到令他人感受到當中意識同情感呢個基本藝術嘅地步。不過，作為一介草民嘅小弟就冇咁高層次去領略甚麼藝術，只係認為戀物最緊要夠痛快夠過癮就得喇，好似雲集眾多戀物專家以及AV女優嘅日本「第13屆戀物祭」咁玩意多多，齋睇已經夠過癮，有份體驗者一定大感痛快添！
日本有好多祝賀各種節日嘅祭典，大家都會開開心心咁玩樂慶祝一番，不過當中有一個祭典就唔同講法，佢有唔少玩意會引起痛楚，但不痛苦，反而令人覺得痛快，呢個咁特別嘅祭典就係「FetiFes戀物祭」喇！不經不覺，喺早前舉行嘅戀物祭已經係第13屆喇！一如以往，召集到大量戀物界翹楚攜手參與，喺東京綿商會館嘅展覽會場進行表演以及售賣有關SM、繩綁等與戀物癖嘅產品。而今屆場面精彩更勝往昔，皆因以往參與戀物祭嘅女優，來來去去都係得範田紗紗以及若林美保，又或者係其他不知名嘅AV女優，今屆除咗有範田紗紗繼續現身，仲請來絕色美人友田彩也香、若月瑪莉亞、西村妮娜、涼海美沙、明海香、淺田結梨、葉月美音、真田美樹、井上綾子、前田亞子、早川瀨里奈以及神納花等知名女優演出，令戀物祭更添色彩。
咁多AV女優嚟到戀物祭，當然唔會只係行行企企咁簡單啦！佢哋換上不同具戀物意味嘅性感打扮上台表演，好似西村妮娜換上近年紅極一時嘅童貞必殺服大騷其40吋I Cup爆乳，美熟女井上綾子穿着競泳水着，可愛又好波嘅淺田結梨就密實咗少少着上巫裝，而扮成女護嘅前田亞子則喺偷窺坐廁攤位出現，來賓可以瞓低再透過坐廁個窿往上望，從而偷窺到前田亞子嘅裙底春光！女優們向來賓搔首弄姿賣弄性感之餘，亦會有其職責，就係推銷各種產品喇，例如範田紗紗主力推銷自己嘅第5本寫真，涼海美沙就瞓身推銷VR裝置，親自戴上VR眼罩睇AV，仲同吹氣公仔嚟個貼身激戰添！至於明海香就同AV製作商向大家即場示範VR版嘅AV影片如何製作。
講到有嘢睇，戀物祭入面仲有好多戀物時裝表演，唔少戀物界模特兒換上童貞必殺服以及超極細泳裝行天橋，佢哋拋胸露乳當然夠吸睛，但係來自知名膠衫團體「TOKYO ZENTAI CLUB」一班包到連塊面都見唔到嘅模特兒一樣多人欣賞。有天橋騷，亦有好多戀物藝術表演，如繩綁、SM鞭打等可謂應有盡有，唔少觀眾好似欣賞藝術展覽咁駐足全神貫注欣賞，仲好似有所領略咁款添。覺得齋睇唔夠過癮嘅話，唔使怕，因為好多表演都可以畀觀眾付費體驗，好似若葉瑪莉亞好樂意向觀眾示範繩綁，亦會同友田彩也香齊齊用棒球棍痛擊觀眾嘅屁股，當然佢哋會就住力度啦！其他體驗包括古代刑具三角櫈以及斬首之刑，保證令喜愛受虐嘅朋友玩得痛快。
撰文：賢