日本人生活節奏急速，特別係打工仔每個都爭分奪秒，連食個飯都要快手快腳，所以不難發現日本好多大城市快餐店林立，當中更有唔少「立食店」同「立飲店」。呢啲立食、立飲店即係連位都冇得坐嘅食店，入去幫襯嘅客人個個都要企喺度飲食，想留多陣都唔得，當然客人為求快速填飽個肚滿足吓胃口，都唔想留咁耐添啦！之不過，最近有一間新開張嘅立飲店就幾大都要留耐啲喇！點解？因為入到去可以同索到震嘅AV美女見面呀！
日本AV廠SOD近年好鍾意安排旗下女優同粉絲打成一片，例如每逢萬聖節都會出動一眾女優上街扮性感妖怪娛樂大家，而活動完結後女優們同SOD嘅工作人員仲會幫手清理街上嘅垃圾添！最近SOD喺秋葉原昭和通大廈一樓開咗間立飲店，雖然舖仔細細卻吸引力非凡，原因係立飲店最大賣點正是會有SOD旗下女優擔任店長同大家飲番杯，而SOD立飲店初次營業，咁當然要隆重其事啦，所以作為SOD專屬女優嘅一姐紗倉真菜就親身落場做店長打響頭炮喇！暫時未知呢間SOD立飲店會營運幾耐，但係就知道每逢星期六及日會有SOD專屬女優輪住喺立飲店出現，如果各位會去日本旅行，不妨去幫襯一下喇！
撰文：賢