男人嘅心事，相對女人嚟講真係簡單得多，可以用兩個字概括晒，就係大同長。大者，就係希望可以欣賞到一對夠晒大嘅車頭燈，而長者，則係指上床時間有咁長得咁長。其實男士們唔使咁介懷，皆因有調查顯示女士更着重心靈交流，做幾耐根本唔重要。
坊間曾經做過唔少關於喺女性心目中上床應該做幾耐嘅調查，等男士知道自己係咪太快完事，而普遍嘅時間平均為5.4分鐘最合適。不過大家要留意，呢個數字係整體嘅平均值，而為咗得到更加確切嘅時間，澳洲有公司針對女性進行調查，睇吓佢哋對於性愛時間嘅長短有乜嘢睇法，結果發現原來唔同年齡層嘅女性，對於理想嘅性愛時間長短睇法亦唔一樣。調查發現45至54歲嘅女士要求性愛時間最長，平均為17.3分鐘，而緊接住嘅係36至44歲嘅女士，佢哋心目中嘅理想性愛時間平均為16.12分鐘，若然從呢啲數字嚟睇嘅話，男士要做到16至17分鐘，先至可以應付到大部分女士嘅需要，之但係呢個時間未免長咗啲喎！
好彩調查同時發現，有高達百分之七十八嘅受訪女士認為時間長短並唔係重點，質量先至係最重要嘅問題，若然有好氣氛同埋令佢哋有更心動嘅體驗，即使時間短亦冇問題。另外，有百分之六十五嘅受訪女士指，男士若然可以喺啪啪啪嘅時候多啲擁抱，會令女伴更易獲得心靈上嘅滿足。如果男士仍然對時間長度耿耿於懷嘅話，專家表示除咗可以用分散專注力、深呼吸及放慢性愛動作嚟延長作戰時間外，亦可以使用厚裝或具有延長作用嘅安全套，亦可以獲得相同效果。
性感嘅定義在於唔一定要赤裸裸咁露晒出嚟，反而有少少遮掩先至夠吸引，而呢點喺2016年5月推出嘅日本異色寫真集《着衣巨乳寫真集 wrap the BOOBs》中充分展現。呢本寫真集由日本著名攝影師須崎祐次親自操刀，搵嚟一眾胸前澎湃嘅寫真女優挺胸演繹，推出後獲得極大回響，因此大家都十分期待會推出第二集，可惜一直只聞樓梯聲。
到5月初，終於等到須崎祐次推出《着衣巨乳寫真集 wrap the BOOBs 2》，貫徹上集嘅風格，仍然以寫真偶像加上究極嘅戀物主義出發，以平實嘅角度拍攝出各種巨乳嘅魅力。不過由於書名有「着衣」兩個字，為咗有效凸顯唔同衣着下各種激凸巨乳嘅誘人滋味，須崎特意準備大量唔同嘅服裝，包括各類制服、緊身針織衫、半透視恤衫等，務求讓大家有更多嘅視覺刺激。至於今次有邊幾位寫真女優登場呢？須崎祐次搵嚟4位巨乳寫真女優坐鎮，包括擁有37吋巨乳嘅伊織萌、35G童顏巨乳嘅片岡沙耶、38I超豪乳嘅鈴木富美奈以及35I爆乳嘅菜乃花，名副其實係「胸」前鼎盛！
潮流不嬲都興爛牛，即係條牛仔褲唔係呢度爛就係嗰度爛，或者條褲穿晒窿。雖然呢種潮流究竟有幾潮，真係唔知，只知道女士們穿上穿窿牛仔褲嘅話，又真係幾性感。而鍾意着爛牛嘅女士們，唔知又夠唔夠膽挑戰一下呢條被日本網民稱為終極穿窿牛仔褲嘅「Extreme Cut Out Jean」呢？有啲嘢真係冇最厲害，只有更厲害，而呢句話用喺呢條「Extreme Cut Out Jean」上真係冇錯。呢條由牛仔褲品牌CARMAR Denim設計嘅終極穿窿牛仔褲，嚴格上嚟講佢已經唔係穿窿咁簡單，事關佢幾乎係爛剩條牛仔褲嘅「支架」！根據官網上嘅模特兒示範嚟睇，若然唔係好似佢咁喺褲內穿着一件連身衫，肯定會走晒光。
唔少日本網民紛紛留言稱如果着住呢條牛仔褲出街嘅話，一定會被警察拉，亦有網民表示呢條牛仔褲嘅造型，好似經歷過空難咁，否則唔會爛得如此徹底，亦有唔少網民認真地探討，究竟除咗好似官網嘅模特兒咁着外，仲有乜嘢方法着得型又唔會走光呢？不過講到最多人討論嘅問題，卻係在於佢嘅售價，事關呢條牛仔褲官網售價要成168美元（約1,310港元）一條，有人指呢條爛褲竟然貴過用得比佢多布嘅牛仔褲囉。你嫌佢貴？唔好意思，官網顯示呢條牛仔褲已經賣晒喇！
撰文：魂