為咗令生活過得富裕一點，唔少打工仔都唔止打一份工，而喺日本寫真界工作嘅寫真女郎當中，亦有唔少會跨界別工作，好似最近人氣急升嘅清爽甜美少女穗花咁，雖然喺寫真界愈來愈紅，但係亦表示暫時唔會放棄兼職做啤酒妹。
師傅曾經同我講過，以前好多人都打幾份工，好似師傅咁就試過每日做3份工，無他嘅，為咗養家嘛！不過，師傅表示係就係辛苦，然而每次諗起屋企班化骨龍個個有飯食有書讀，得以健康成長，總會感到安慰同高興，亦因為咁每日返工都唔會苦瓜乾咁嘅面口，反而成日都笑吟吟，深得同事愛戴。
日本寫真女郎穗花雖然冇我師傅咁厲害，但係至今依然係做2份工作，而其上位秘訣同樣係笑容！穗花年方二十有二，青春活潑且帶天真稚氣，好多人都鍾意穗花可愛之餘，仲性格開朗，精緻五官嘅面上散發出充滿陽光氣息嘅爽朗笑容。除咗面孔同笑容夠吸引，穗花嘅胴體亦相當健美，腰間冇乜多餘脂肪兼有肌肉感，上圍對D奶夠睇頭，同時臀部亦夠翹且圓潤，配上一身雪白肌膚，認真一流也！
穗花喺2016年出道同大家見面，入行前喺橫濱體育館做啤酒妹，游走球場觀眾席之間售賣啤酒，阿妹標致嘅面孔以及清爽又自然嘅笑容備受球迷注意，亦因為咁被藝能事務睇中簽為藝人，之後做咗美少女團體「翼小組」嘅成員，亦以演員身份演出過嘅唔少電視節目，例如《特命系長 只野仁》、《馬好王國UmazuKingdom》等等。
上年穗花進軍寫真界，被稱為「太可愛的啤酒妹」，有人話穗花因為做啤酒妹時都要孭住一個10公斤重嘅啤酒桶四圍走，所以鍛煉出一個極品美尻，相當吸引。雖然穗花推出一系列性感水着寫真，並且人氣火速上升，但係佢家陣依然保持每星期3日嘅啤酒妹工作，不過阿妹話每次諗起努力工作會令父母親感到安慰，自己亦特別覺得醒神，所以每日都展露出清爽又甜美嘅笑容，同時希望能夠繼續當啤酒妹嘅生涯，就係因為咁穗花被稱為「在球場可遇上的親民偶像」。
簡介：穗花近期工作忙碌，當中唔少都係同寫真拍攝有關，從其Twitter中大家可以睇到佢最近頻頻拍性感寫真，大騷健美體態。
網址：https://twitter.com/s2jh3
年齡：22歲
身高：5呎3吋
三圍：32-23-33
撰文：賢