有心理學家稱爆粗係情緒發洩嘅一種，有啲人喺情緒高漲時，都會透過爆粗嚟發洩內心嘅壓力。雖然話係咁講，但係爆粗時都要顧及身邊人嘅感受，好似有位女網民稱，頂唔順男友爆粗而喺網上訴苦，究竟發生乜嘢事呢？呢位女網民稱每次同男友啪啪啪時，男友喺激烈嘅活塞運動途中經常爆粗，內容相當多元化，亦相當難聽。佢表示：「我男友每次衝刺時都會係咁講粗口，而且乜嘢粗口都講。有次我忍唔住停落嚟，叫佢唔好再講，佢即時同我講對唔住。點知一段時間之後，佢又故態復萌，令我好嬲。其實佢平時唔講粗口，只係一興奮就會咁，係咪個個男人都係咁o架？」