對日出而作，日入而息嘅打工仔嚟講，每日最想見到嘅，就係日落之時，皆因終於可以收工。而喺情色俚語中，又有冇同Sunset及日落有關嘅詞語呢？答案係唔單止有，而且仲有唔少相關嘅AV作品，依家即刻同大家睇睇啦！
地球上絕大部分嘅地方，每日都會有日出同日落，但係喺美國情色俚語中嘅「Sunrise and Sunset」，卻並非單純地指呢種大自然現象，皆因佢嘅意思分別係指兩個唔同身體部位，「Sunrise」指蜜洞，而「Sunset」則係指後花園。之所以會有「Sunrise and Sunset」呢個講法，係因為對部分色慾男女嚟講，兩者都係活塞運動嘅重點，不過佢哋又唔想講得太直白，加上喺美國俚語中，「Sunset」又可以解做臀部，於是蜜洞便順理成章稱為「Sunrise」。例句：I'm sweaty from sunrise to sunset!（前前後後不斷進行運動搞到我流晒汗！）不過大家要留意，美國情色俚語中亦有個「Red Sails in the Sunset」，當中嘅「Sunset」並非指臀部而係指蜜洞，佢嘅意思係暗指「大姨媽」咁解，大家唔好弄錯呀！話時話，美國嘅情色俚語，有時真係令人幾混淆。
美國有唔少地方擁有獨特嘅日落美景，好似佛羅里達州嘅日落便相當有名，咁「Floridian Sunset」係咪指佛羅里達州嘅日落呢？答案係一啲關係都冇，查實佢係指一種性愛玩意，玩法係當男女喺床上啪啪啪時，男方將近爆發一刻，突然同女伴講：「我就快發射啦！」說時遲那時快，就馬上發射升空，事後男方將兵器展示一番，「Floridian Sunset」就咁完成。不過點解會有呢個名稱呢？據講係因為成套動作好優雅，兼且發射完嘅兵器，就好似佛羅里達州嘅日落咁靚喎，真係信不信由你喇！
美國四仔界多年以嚟，出現過唔少影響深遠嘅天后級脫星，而當中有一位相當特別，佢未曾喺各個四仔頒獎禮中攞過獎，但係每個四仔迷都識佢，就係喺1972年2月19日出生嘅Sunset Thomas，而呢套由著名四仔片Hustler喺2008年1月推出嘅《Into The Sunset》，就係佢嘅告別作。由人氣四仔導演Axel Braun執導，拍得相當唯美，係佢非惡搞題材嘅四仔之一。為咗歡送呢位喺美國四仔界舉足輕重嘅脫星，更搵嚟Brooke Banner、Lexi Love、Mia Presley、Penny Flame、Ron Jeremy等眾多脫星參演。雖然劇情近乎零，但眾多脫星與Sunset Thomas同場獻技，並且由佢親身示範吹奏同騎乘等招牌絕技，已經值回票價。
話說回來，點解Sunset Thomas喺美國四仔界有咁高地位呢？喺1990年投身四仔界嘅佢，擁有超迷人嘅樣貌，仲有一副超級火辣嘅身村，巨乳加蛇腰不知迷倒幾多四仔迷，加上狂野嘅床上演出，2005年時被選為四仔界10大性感脫星之一。告別四仔界後，Sunset Thomas轉行寫成人小說，代表作有《Anatomy of an Adult Film》，2010年佢先後進身XRCO同AVN名人堂。
「夕日」喺日文中有日落嘅意思，而喺日本AV界中，有位女優人如其名，出道冇耐就銷聲匿迹，佢就係喺2006年10月出道嘅夕日千鶴。1984年8月4日於日本東京出生嘅佢，論身材都算唔錯，身高152cm，擁有33C上圍，2006年於東京電視台一個叫做《萌起來》（萌えてムーチョ）嘅綜藝節目上初次亮相，結果被AV片廠MAXING睇中，同年10月成為旗下專屬女優，MAXING不但大張旗鼓進行宣傳，更標榜夕日千鶴以藝能人身份下海，食住個勢推出處女作《人形小箱》。為咗切合佢之前喺電視台亮相時嘅形象，喺作品中夕日千鶴飾演一位被人遺棄住喺一個紙皮箱內嘅萌系少女。
雖然呢個題材都幾特別，但老實講夕日千鶴嘅樣貌一啲都唔萌，亦唔算靚女，否則都唔會離開公仔箱，走到AV界發展啦！可能MAXING亦發現呢個問題，因此推出第2部AV作品《美少女×口中爆發》時，夕日千鶴做番一個正常少女嘅角色，其後試過玩制服誘惑及角色扮演，可惜銷量仍未見突出，及至2007年5月推出第8套作品《極秘》後，夕日千鶴同谷極都谷唔起嘅AV女優下場一樣，出道未夠一年，就好似日落咁喺AV界消失。
撰文：魂