以日本幕末時期為題材ACGN嘅作品相當多，而喺十八禁遊戲中更係經常可見，但係呢類作品質素參差，所以就要留意係咪大廠出品。由日本著名成人遊戲開發商Liar Soft最新推出嘅作品《瞬旭的蒂爾希爾 ～What a beautiful dawn～》，絕對係期待之作，唔單止以半虛構歷史舞台為背景，遊戲更糅合香艷、慾望、戀愛同科幻嘅元素，炮製出令人賞心悅目嘅高遊玩性作品。
故事發生喺文久3年，即公元1863年嘅江戶，當時嘅蒸汽機技術從Dreamlands經西方國家帶本日本，經過10年嘅時間，大大改變咗江戶嘅風貌，變成一個充滿蒸汽機機械嘅都市。男主角伊庭八郎係天才劍士，熟習西方文化嘅佢，有日收到一封嚟自佢亦兄亦父兼有「劍聖」之稱男谷信友嘅密函，對方要佢去伊豆國下田芋地方領取一件物品，然後迅速將物品帶到京之都。接函後，八郎急急啟程，估唔到領取嘅物品，竟然係一件名為「鐵處女」嘅巨大鐵箱。正當佢唔知點樣將個大鐵箱運往京之都時，突然發生意外，將鐵箱打開咗，發現箱內有一位貌似西方洋娃娃般，靚到爆燈嘅金髮綠眼美少女，佢名叫鈴，結果八郎就帶住鈴向京之都進發，期間兩人產生情感同肉體關係，仲會有好多美少女出現，究竟八郎最後會點揀呢？
開發商：Liar Soft
售價：￥8,800（約HK$651）
發售日期：2018年5月25日
撰文：魂