玩遊戲玩得多，會畀人話玩物喪志，但係有種遊戲卻係成年男女樂此不疲，呢種就係床上遊戲。不過成人限定嘅遊戲，係咪只得啪啪啪一種玩法呢？而關於Game同遊戲嘅俚語及成人作品有好多，問題係你知道幾多！
英文中會將飛行棋、西洋象棋等呢啲棋盤遊戲歸類為「Board Game」，但係當有異性問你想唔想嚟番場「Board Game」嘅話，對方可能係暗示緊另一樣嘢。原來喺美國嘅情色俚語中，「Board Game」係指啪啪啪。據稱呢個用法出現嘅原因，係一對情侶唔想畀父母或其他唔相熟嘅人知道佢哋上床，於是便以「Board Game」作為暗語。例句：I think we should play some board games tonight.（我諗我哋今晚應該會啪啪啪。）之但係，如果有人問你想唔想玩「Pound Game」時，就真係要諗清楚至好回答，事關所謂「Pound Game」，其實係指暢遊後花園，而且對方精於此道，所以咪立亂應承呀！
有美國調查顯示，稱為狗仔式、推車仔、後進式嘅Doggy Style，係其中一種深受美國男女鍾愛嘅性愛體位。如果明白呢點嘅話，就會更易理解Doggy Style嘅變種玩法「Arch Game」係點玩。所謂「Arch Game」，就係指女方趴低做出被推車仔嘅準備動作，背脊形成好似拱橋般，類似蝦米狀嘅形態，而呢個動作就被稱為「Arch Game」。據稱呢個動作嘅好處，係可以令男士嘅兵器更深入進攻，同埋更能刺激到女伴嘅G點，不過有人就話效果因人而異。
提起性愛玩法，美國情色俚語中有個叫「Pre Game Sex」，佢係指一種拍打式嘅前戲。喺啪啪啪之前，男方會先用法式長麵包或長形攬枕等呢類軟身兼冇攻擊力嘅長條物，用嚟輕輕拍打女方嘅胸部或臀部，以挑起對方嘅情慾。不過喺玩之前，最重要先問過女伴鍾唔鍾意，以免掃興。
主人同奴僕嘅角色扮演遊戲，對於某啲有特別癖好嘅M男嚟講零舍吸引，為咗滿足佢哋同女王玩遊戲嘅心理，日本AV片廠最鍾意拍攝針對一班M男而設嘅女王題材作品，講到近期最紅嘅M男AV系列，就要數由日本AV片廠AKNR推出嘅《M男遊戲》系列。呢個系列嘅頭炮作《M男遊戲學園生活》喺去年8月推出，由AV女優神波多一花主演。雖然神波多一花有一定叫座力，但礙於內容跟其他片廠嘅同類作品太過類似關係，因此喺同年9月推出嘅第2套作品《M男遊戲 被詛咒的酒店房》進行大革新，由卯水咲流主演，保留調教M男嘅內容，加入更多主觀角度拍攝，同時加強角色扮演嘅元素，片中卯水咲流扮演一位高傲嘅愛情酒店經理，其責任係專門調教社會地位高嘅男士。呢種改變令作品更具劇味，而調教過程亦更加合情合理，唔少AV迷都認為呢套作品令佢哋睇得更投入。由於獲得極佳反應，為AKNR打咗支強心針，故此其後嘅系列作不但沿用呢個成功模式，同時搵嚟更多人氣女優演出，分別有二階堂百合、淺田結梨、紗紗原由梨、美咲佳奈等，而呢個系列至今已推出咗10集，相信會長拍長有。
美國四仔最鍾意惡搞人氣電影同電視劇，但係呢啲噱頭之作嘅質素參差，唔想睇低質惡搞作嘅話，呢套由美國著名四仔片廠Zero Tolerance喺2013年12月推出嘅作品《Game Of Bones：Winter Is Cumming》，相信可以滿足到大家。睇套片名，心水清嘅四仔迷應該估到，佢惡搞美國人氣電視劇《Game of Thrones：Winter Is Coming》，除咗抄足劇情，連脫星嘅扮相亦維肖維妙，至於故事核心嘅「Iron Throne」（鐵王座），則搞笑地變成由眾多陽物組成嘅王座「Iron Bone」（陽物王座）。由四仔導演Lee Roy Myers執導，演員陣容鼎盛，包括有男神James Deen以及April O'Neil、Aaliyah Love、Tanya Tate等眾多索爆脫星，仲有一位不得不提嘅索女Anikka Albrite，佢飾演Daenerys Targaryen，來頭一啲都唔細，事關佢不但擁有分子生物學同企業學雙學位，更喺2013年AVN頒獎禮上獲得最佳新進脫星提名，2015年佢同四仔男星丈夫Mick Blue分別獲得最佳年度女脫星及最佳年度男脫星獎，亦係AVN史上首次第一對能同時獲得兩個大獎嘅夫婦。
撰文：魂