愛神牽紅線

戀愛題材向來係日本十八禁遊戲嘅王道，唔單止可以滿足玩家對愛情嘅憧憬，更可以令啪啪啪場面變得更加順理成章。點解話順理成章呢？咪就係因為男女主角情到濃時，自然會想發生超友誼關係囉！講到呢期備受成人遊戲迷期待嘅作品，就要數呢隻由日本成人遊戲商Mirage推出嘅新作《與你相連的戀愛標誌》。

故事講述男主角小早川侑斗細個時曾經受到心靈創傷，令佢自此以後唔再與人深交，情願過住一個人嘅平淡生活，正因為咁，長大後佢冇異性緣。直到某日，突然出現一位自稱係被姻緣神派嚟嘅美少女，名字叫「附喪神」，佢希望幫助小早川侑斗牽姻緣線。由於附喪神死纏爛打，小早川侑斗惟有讓佢留喺身邊，直到附喪神幫佢牽起紅線為止。不過，小早川侑斗其實好希望附喪神快啲離開，為咗達到目的，於是佢同對方講：「不如索性將我同你直接結緣算數啦！」本嚟諗住對方會知難而退，點知附喪神竟然答應，結果兩人被紅線連上。由於附喪神同小早川侑斗連起姻緣關係，故此唔能夠返回神界，因而令兩人感到相當困擾。不過後嚟小早川侑斗發現，只需要同其他女性結下更強姻緣嘅話，佢同附喪神之間嘅覊絆便能解除，之但係小早川侑斗真係捨得咁做嗎？

開發商：Mirage