想影張靚相需要有好多條件配合，基本上當然要有靚人靚景啦。提到靚景，日本好多寫真女郎為咗取靚景而飛到外國拍攝寫真集，好似人氣巨乳妹淺川梨奈最新推出嘅寫真集就去到美國取景喇。淺川梨奈剛剛踏入19歲，氣質青春可愛，夠萌味又充滿陽光味道，如果全力進軍藝能界一定前途無可限量，而梨奈家陣以美少女團體「SUPER☆GiRLS」成員身份頻頻登台表演。不過小弟同好多男士們都覺得阿妹繼續留力喺寫真演出方面好啲，事關梨奈被喻為「千年一遇之童顏巨乳」，鮮嫩白滑嘅胴體上有一對飽滿E奶，簡直係人間極品！
有見胴體比兩年半前出道時發育完全同成熟，為紀念呢個重要時刻，淺川梨奈喺製作最新寫真集《NANA》嘅時候，特別隆重其事飛去美國洛杉磯取景，希望以當地郊野嘅雄壯自然景致令寫真集更為精彩，更重要嘅係半露廣闊嘅胸膛吸引大家嘅眼球。另外，梨奈亦會初次挑戰充滿成人感覺嘅演出，包括解開上身衫嘅束縛，以及嚟個T-Back誘惑，將出道以來最大膽、最豪放嘅一面帶畀大家欣賞。
書名：《NANA》
售價：約HK$199
撰文：賢