所謂槍打出頭鳥，無論喺任何工種都好，名氣太盛雖然可以名成利就，但係容易招人妒忌，成日都要面對他人嘅明槍同暗箭，至於日本AV女優太出名亦容易招惹麻煩，好似殺手級新人青山希愛最近好有可能被迫收工喇！青山希愛青春活潑，一派青春偶像面孔，同AKB48、SKE48嘅成員不遑多讓，而佢亦係活躍於秋葉原嘅美少女組合「青山☆聖ハチャメチャハイスクール。」嘅前成員，前藝名叫奈良井夢。而希愛擁有貨真價實嘅藝能資歷又青春標致，SOD發掘到佢之後如獲至寶，更稱希愛為「史上最強之Dream Idol」！之不過，喺希愛嘅處女AV作品《藝能人 青山希愛 AV Debut》於3月8日上市之後，就傳出希愛因為宣傳AV作品時成日掛住前所屬組合嘅名，又着住組合套制服，因而招致有關方面不滿，故手段百出咁阻止希愛拍AV，所以青山愛希嘅社交網已停止更新，就連將於4月8日嘅握手會都取消埋！唔通希愛真係一碟玩完？千祈唔好呀！