睇脫星直接睇四仔，但睇得再多都唔會令你變專家，事關你只睇到囡囡動作一面，對於業界趨勢、囡囡嘅喜好等，巴打一無所知，當然作為一個J友，純睇動作場面刺激冇問題，但要稱得上四仔迷，對偶像有啲深入了解都好應該嘅。可惜，現今鹹網極少浪費時間同版面搵脫星做專訪，一味喪露塞飽觀眾嘅眼球，好在坊間仲有幾本雜誌滿足到一眾好色之徒，好似呢本叫《Xcitement》嘅男士雜誌，色途老馬一定睇過，十幾年來以月刊形式登場，全方位介紹色情工業、夜場動態等，最精彩當然係有多篇脫星專訪，讀者除咗了解脫星嘅性態度，更可以知道脫星私底下嘅一面，而《Xcitement》特別之處係，作為一本男士雜誌，正常封面應該係暴露到盡，但奇怪係大部分封面都嚟得隨意，甚至稱得上有美感，鮮有露點演出。咁又係喎，假如又係大灑鹽花，有理冇理都剝到盡，咁同一本J書有乜分別呢？《Xcitement》正係要打造一本色情時尚雜誌，好色都可以講品味，所以書中所有專題報道及圖片都係獨家拍攝，呢方面值得一讚！